ഓപ്പറേഷൻ ഗ്രേറ്റ് വാൾ -മിസ്റ്റീരിയസ് ഐലൻഡ് പാർട്ട് 5 (Pravasi) 1828

“വേണ്ട… നിങ്ങൾ സംസാരിക്കാൻ ശ്രമിക്കേണ്ട…. താൽക്കാലത്തേക്ക് ഞാൻ പറയുന്നത്  ശ്രദ്ധിച്ചു കേൾക്കണം…. സത്യത്തിൽ എല്ലാം പറയാൻ വേണ്ടിയാണ് അവൾ നിങ്ങളെ ഇവിടെ കൊണ്ട് വന്നത് തന്നെ….”മറുപടി പറയുന്നതിലും എളുപ്പം ആയി തോന്നിയതോടെ അതുൽ തലയാട്ടി… അല്ലെങ്കിലും ഒരു പേരിൽ എന്തിരിക്കുന്നു… അപ്പോൾ ലീ പറഞ്ഞു തുടങ്ങി….

“ആ നശിച്ച ദിവസം… അത് ഇന്നും ഓർക്കുന്നുണ്ട് ഞാൻ.. 2002 ലാണ് അത്… ഞാൻ ഇവിടെ വന്നു പെട്ടത്…

ഞങ്ങൾ പതിനെട്ടു പേര് ഉണ്ടായിരുന്നു… കോളേജ് മേറ്റ്സ്… മാത്രമല്ല  വലതുപക്ഷ  ചിന്താഗതിക്കാരുടെ കൂട്ടം… സത്യത്തിൽ ഞാൻ  വലതു പക്ഷം എന്നല്ല അങ്ങനെ പ്രത്യേകിച്ച് ഒരു രാഷ്ട്രീയത്തിന്റെയും അനുഭാവി ആയിരുന്നില്ല..

ഫെങ് ലിയൂ!!!! പച്ചക്കണ്ണുകളുള്ള സുന്ദരൻ… അതായിരുന്നു എന്റെ ലക്ഷ്യം…. കോളേജിൽ ഞങ്ങളുടെ സീനിയറും  തീപ്പൊരി പ്രഭാഷകനും  പെൺകുട്ടികളുടെ സ്വപ്നങ്ങളിലെ രാജകുമാരനും ആയിരുന്നു അദ്ദേഹം….

ഒരു കോളേജ് മൊത്തം അയാൾക്ക് പുറകെ എന്നതായിരുന്നു അവസ്ഥ… അതിനിടയിൽ വെറുമൊരു ശരാശരിക്കാരി മാത്രം ആയിരുന്ന എനിക്ക് പ്രതീക്ഷക്ക്  വകയൊന്നും ഇല്ലായിരുന്നു…. പക്ഷേ ഞാൻ കീഴടങ്ങാൻ തയ്യാറായില്ല….

അദ്ദേഹം എവിടെ പോവുന്നോ,,, അവിടെയൊക്കെ ഞാനും അദ്ദേഹത്തെ പിന്തുടർന്നു…. അങ്ങനെ ദിവസങ്ങൾ…. ആഴ്ചകൾ….

ഇടക്കെപ്പോഴോ ഫെങ് എന്നെ ശ്രദ്ധിക്കുന്നത് പോലെ എനിക്കു തോന്നി… തോന്നൽ മാത്രമോ  സത്യമോ എന്ന് കൂടി അറിയില്ല… എങ്കിലും ലോകം കീഴടക്കിയത് പോലെ എനിക്കു തോന്നി…

കൂടുതൽ ആവേശത്തോടെ ഞാൻ ഫെങ്ലേക്ക് അടുക്കാൻ ശ്രമിച്ചുകൊണ്ടിരുന്നു…. വല്ലപ്പോഴും കിട്ടുന്ന ഒരു പുഞ്ചിരി…  അത് പോലും എന്നെ ഒരു മായിക ലോകത്തേക്ക് കൊണ്ട് പോയികൊണ്ടിരുന്നു….