ഓപ്പറേഷൻ ഗ്രേറ്റ് വാൾ -മിസ്റ്റീരിയസ് ഐലൻഡ് പാർട്ട് 5 (Pravasi) 1828

ചെളിയോ കറയോ പുരണ്ടത് പോലുള്ള ആ കൈകളുടെ നിറം ഒഴിച്ചാൽ അത് മനുഷ്യന്റേത് പോലെ അതുലിനു തോന്നി…. അയാളെ നോക്കികൊണ്ട് അതുൽ പതിയെ എണീറ്റ് ഇരുന്നു… അയാൾ ആക്രമിച്ചാൽ പ്രതിരോധിക്കാൻ ശ്രമിക്കണം എന്ന് ആഗ്രഹമുണ്ടെങ്കിലും തനിക്ക് അതിനു കഴിയില്ല എന്ന് അതുലിനു അറിയാമായിരുന്നു…..”ഭയക്കണ്ട… ഞാനും നിങ്ങളെ പോലെ ഒരാളാണ്….”

വടിവൊത്ത ഇംഗ്ളീഷ് വാക്കുകളിൽ ആ സ്ത്രീ ശബ്ദം അതുലിനു നേരെ ഒഴുകിയെത്തി….

അതേ!!!!! അതൊരു സാധാരണ മനുഷ്യൻ ആണ്… മാത്രമല്ല അതൊരു സ്ത്രീ കൂടിയാണ്…. തങ്ങളെ പോലെ പണ്ടെന്നോ വന്നു പെട്ടത് ആണെന്ന് തോന്നുന്നു…

അതുലിനു തുള്ളി ചാടാൻ തോന്നി… പക്ഷേ അയാൾക്ക് അപ്പോളും നിലത്തു ഉറച്ചു നിൽക്കാൻ തന്നെ ബുദ്ധിമുട്ട് ആയിരുന്നു…. അതുൽ  എണീറ്റ് സ്വയം നിൽക്കാൻ ബുദ്ധിമുട്ടുന്നത് കണ്ടു ആ സ്ത്രീ അതുലിനെ പിടിച്ചു നിലത്തു തന്നെ ഇരുത്തിയ ശേഷം പറഞ്ഞു…

“വോട്രൂ പഴമാണ്  നിങ്ങൾ കഴിച്ചത്… ഒരു ദിവസം പൂർണമായും കഴിയാതെ നിങ്ങൾക്ക് പൂർണ ആരോഗ്യം തിരിച്ചു കിട്ടില്ല…. അത് വരേയ്ക്കും വിശ്രമിച്ചു കൊള്ളു….”

“നിങ്ങ… ആ… ആ… രാണ്????”

ശരിക്കും സംസാരിക്കാൻ കൂടി  അതുലിനു  കഴിയുന്നില്ല… പക്ഷേ അതുൽ ഉദ്ദേശിച്ചത് എന്താണെന്ന് ആ സ്ത്രീക്ക് മനസിലായി….

“ഞാൻ ചാങ് ലീ…. ലീ എന്നു വിളിച്ചോളൂ… അജുൽ അല്ലേ…???”

അതുൽ എന്ന പേര് അജുൽ എന്ന് പറയുന്നത് കേട്ട് അയാൾ തിരുത്താൻ ശ്രമിച്ചു….

“അ… അജു….”