ഓപ്പറേഷൻ ഗ്രേറ്റ് വാൾ -മിസ്റ്റീരിയസ് ഐലൻഡ് പാർട്ട് 5 (Pravasi) 1828

“ഓ… സോറി.. സോറി മാൻ….”ആ സ്ത്രീ വേഗം അയാളുടെ കാൽ വിരലുകളെ മീനുകളിൽ നിന്നും മോചിപ്പിച്ചു…. കരയിൽ പിടഞ്ഞു കൊണ്ടിരുന്ന മീനുകളിലൊന്നിനെ ചവിട്ടി കൊല്ലാൻ ശ്രമിച്ച അതുലിനെ ആ സ്ത്രീ തടഞ്ഞു…..

അവയെ ഉപദ്രവിക്കാതെ തിരിച്ചു പുഴയിലേക്ക് തട്ടി ഇട്ട ശേഷം അവർ അതുലിന്റെ കാൽവിരലുകൾ വൃത്തി ആക്കാൻ സഹായിച്ചു കൊണ്ട് പറഞ്ഞു….

“സ്വയ രക്ഷക്കോ  ആഹാരത്തിനോ അല്ലാതെ ഒന്നിയെയും ഉപദ്രവിക്കാൻ പാടില്ല…. അത് മൃഗമായാലും സസ്യമായാലും…. അത് ഈ ദ്വീപിലെ നിയമമാണ്…”

“പക്ഷേ ഈ ജീവികളെ നശിപ്പിച്ചില്ലെങ്കിൽ അവയൊരു അവസരം കിട്ടുമ്പോൾ നമ്മെ ആക്രമിക്കില്ലേ????”

“അവ ആക്രമിക്കുന്നത് ആഹാരത്തിന് വേണ്ടിയാണ്… ഈ നിയമം കൃത്യമായി പാലിക്കപ്പെടുന്നത് കൊണ്ടാണ്… അല്ലെങ്കിൽ ഇത്രയും ചെറിയ ദ്വീപിലെ ഓരോ വിഭാഗം ജീവികളായി എന്നേ ഇല്ലാതായേനെ….”

“ഗുളുവാ അടക്കം??? അതിനെയും  ആക്രമിക്കാറില്ല??? അത്പോലെ അർണാ???”

“ഗുളുവാ ഈ ദ്വീപിലെ ജീവിയല്ല…. എവിടെയോ നിന്നും വന്നതാണ്… പക്ഷേ അർണാ… അതിനെ ആരും ഉപദ്രവിക്കാറില്ല…. അതിനെ അധികം കാണാൻ കിട്ടുക കൂടിയില്ല….. അതും.. ആഹാരത്തിന് വേണ്ടി അല്ലാതെ ഒന്നിനെയും ഉപദ്രവിക്കില്ല….”

അതുൽ കൂടുതൽ ഒന്നും സംസാരിച്ചില്ല… ആ സ്ത്രീ ഒരു മൂലയിൽ കൂട്ടി വച്ചിട്ടുള്ള സാധനങ്ങളിൽ നിന്നും എന്തോ കൊണ്ടുവന്ന് അവന്റെ മുറിഞ്ഞ കാലിൽ പിഴിഞ്ഞു….

അതോടെ ചോര നിന്ന് അവിടെ രക്തം കട്ട പിടിക്കാൻ തുടങ്ങി… പിന്നെ ആ സ്ത്രീ ചെയ്തത് അതുലിനെ അടക്കം അതിശയപ്പെടുത്തി….

എവിടെ നിന്നോട് കൊണ്ട് വന്ന മുള്ള് എടുത്തു സ്വന്തം  കാലിൽ കുത്തി പരിക്കേല്പിച്ചു…. ഇവർക്കിത് എന്ത് പറ്റി എന്നാ സംശയത്തോടെ അതുൽ അവരെ നോക്കുമ്പോൾ ആ സ്ത്രീ പുഞ്ചിരിച്ചു കൊണ്ട് പറഞ്ഞു…

ഞാൻ പറഞ്ഞത് ഓർമ്മയുണ്ടോ?? അപാര ഘ്രാണ ശക്തിയുണ്ട് ഇവർക്ക്… രക്തത്തിന്റെ ഗന്ധം ഇവർക്ക് പെട്ടന്ന് മനസിലാവും…. ആരെങ്കിലും അന്വേഷിച്ചു വന്നാൽ ഈ രക്തത്തിന് അവകാശി വേണ്ടേ????”