🪔മനസ്വിനി ♨️ 8️⃣

=clímαх=

Author : 𝓢𝓪𝓲 𝓥 𝓐𝓼𝓱𝓪𝓷 | Previous Part

കല്യാണത്തിനു ശേഷം ഒരിക്കൽ കൂടി അവൾ എന്നെ വിളിച്ചു… ഫോണിലൂടെ പുതിയാപ്ലയെ എനിക്ക് പരിചയപ്പെടുത്തി… വയനാട് വരുമ്പോ കാണാം എന്ന് പറഞ്ഞു കാൾ കട്ട് ആക്കുന്നതിനു മുൻപ് കല്യാണം വിളിക്കുന്ന കാര്യം ഓർമിപ്പിക്കാൻ അവൾ മറന്നില്ല….

“മെൽവിൻ ചേട്ട… ഞങ്ങളെ കല്യാണം വിളിക്കണം കേട്ടോ….”

ഡിസംബർ അവസാനത്തോടെ പനമ്പാടിയിലെ വർക്ക് കംപ്ലീറ്റ് ചെയ്തു. രവി സാറിന്റെയും മാഡത്തിന്റെയും കേസ് കോടതിയുടെ പരിഗണയിലാണ്.

നാരായൺ സാറിന് കോൺട്രാക്ടർസിനു എതിരെ നടപടി എടുക്കാത്തതിന് കാരണം കാണിക്കൽ നോട്ടീസ് വന്നിരുന്നു… പക്ഷെ തുടർനടപടികൾ ഒക്കെ പെട്ടെന്ന് തീർത്ത് പ്രൊസീഡിങ്‌സ് ക്ലോസ് ചെയ്തു.

അതിനും നാരായൺ സാറിന് മുഖത്ത് ഒരു ചിരി മാത്രമാണ് ഉണ്ടായിരുന്നത്….

കോവിഡ് കാരണം ലീവ് ക്യാൻസൽ അയതും, യാത്ര വിലക്കും ഒക്കെ കാരണം ഇച്ചേച്ചിക്കും അളിയനും ഡിസംബറിൽ നാട്ടിലേക്ക് വരാൻ പറ്റിയില്ല… അത് കൊണ്ട് തന്നെ കല്യാണവും നീട്ടി വെച്ചു.

സംഭവബഹുലമായ സംഭവങ്ങൾ ഒന്നുമില്ലാതെ ലൈഫ് മുന്നോട്ട് പോയിക്കൊണ്ടിരിക്കുകയായിരുന്നു… എനിക്കും ചുറ്റും നടന്ന, നടന്നു കൊണ്ടിരിക്കുന്ന കാര്യങ്ങൾ പലതും അറിയാതെ.