😈അസുരൻ ( the beginning ) part 9 😈 ( FINALE) [ Vishnu ] 459

കൂടെ വിഷ്ണുവും കുഞ്ഞപ്പനും ഇറങ്ങി..

അവർ മൂന്നുപേരും കൂടി അർജുനെയും അഞ്ജുവിനെയും പൂട്ടിയിട്ട മുറിയിലേക്കാണ് പോയത്..അതിന്റെ മുന്നിൽ കുറെ ആൾകാർ ഉണ്ടായിരുന്നു..

അവർ മൂന്നുപേരും ഒരുമിച്ചു പോകാതെ വിഷ്ണു മാത്രം പോയി..എന്നാൽ വിഷ്ണുവിനെ വാതിലിന്റെ മുന്നിൽ വച്ചു അവർ തടഞ്ഞു..

“എന്താടാ”

” ഇവരെ കൊണ്ടുപോകാൻ ഭായി പറഞ്ഞു…”

വിഷ്ണു അവരോടു പറഞ്ഞു..

“അതിനു നീ ഏതാ.. ഇന്നേവരെ കണ്ടിട്ടില്ലലോ..”

“ഞാൻ വിനോദ് ഭായിയുടെ കൂടെ ഉള്ളതാ..അധികം ഫീൽഡ് വർക് തരാറില്ല..”

അപ്പോഴാണ് വിനോദിന്റെ കൂട്ടത്തിൽ ഉള്ളൊരാൾ അവിടേക്ക് എത്തിയത്..അവൻ വിഷ്‌ണുവിനെ കണ്ടതും ഞെട്ടി…

“ഡാ ..”

അതും പറഞ്ഞു അവൻ വിഷ്ണുവിന്റെ നേരെ പാഞ്ഞടുത്തു… അതേ സമയം തന്നെ വിഷ്ണുവിനെ തടഞ്ഞവന് വിഷ്‌ണു അകത്തു കയറാൻ പാടില്ലാത്ത ഒരാൾ ആണെന്ന് മനസ്സിലായി…

അവൻ വിഷ്ണുവിനെ അടിക്കാൻ വേണ്ടി കൈ ഉയർത്തിയതും ചോരയും തുപ്പികൊണ്ട് അവൻ താഴെ വീണു…

അപ്പോഴേക്കും വിനോദിന്റെ ആൾ അവന്റെ അടുത്തേക്ക് ഓടി അടുത്തിരുന്നു..എന്നാൽ വിഷ്ണു അവന്റെ കഴുത്തിൽ പിടിച്ചു പൊക്കി മുകളിൽ തല ശക്തമായി ഇടിച്ചു…

അപ്പോഴേക്കും ഒരുത്തൻ വന്നു വിഷ്ണുവിന്റെ മുഖത്തു ഇടിച്ചു..വിഷ്ണു പുറകോട്ട് പോയെങ്കിലും താഴെ വീണില്ല.. എന്നാൽ അവന്റെ കണ്ണിന്റെ നിറം മാറുന്നത് അവൻ അറിഞ്ഞു…

വിഷ്ണുവിന് നേരെ അവൻ പിന്നയും ഇടിക്കാൻ ശ്രമിച്ചെങ്കിലും അത് തടഞ്ഞ വിഷ്ണു അവന്റെ നെഞ്ചിൽ ഇടിച്ചു..അവൻ ചോര തുപ്പികൊണ്ട് മുട്ടിൽ ഇരുന്നുപോയി… വിഷ്ണു അവന്റെ മുഖം നോക്കി കിക്ക്‌ ചെയ്തതും അവൻ താഴേക്ക് വീണു..