?കരിനാഗം 9? [ചാണക്യൻ] 372

ആ സ്പന്ദനം മഹി കേൾക്കുമോ എന്ന് പോലും അവൾ ഭയപ്പെട്ടു.

എന്നാൽ അവളുടെ അകകണ്ണിൽ പൊടുന്നനെ ഒരു കാഴ്ച്ച തെളിഞ്ഞു.

ഒരു വലിയ കരിനാഗവും അതിനൊപ്പം വലുപ്പമുള്ള ഒരു സർപ്പവും തമ്മിൽ ഇണ ചേരുന്ന കാഴ്ച.

പ്രപഞ്ചത്തിലെ വളരെ അത്യപൂർവമായ കാഴ്ച

പരസ്പരം അവ നാരുകൾ പോലെ ഇഴുകി ചേർന്നുകൊണ്ട് ഇണ ചേരുകയാണ്.

അത്യധികം കാമാസക്തിയോടെ.

പ്രകൃതി വിരുദ്ധമായ, നിഷിദ്ധമായ ഈ സംഗമം കണ്ടു യക്ഷമി ചാടിയെണീറ്റു.

അത്തരമൊരു കാഴ്ച കണ്ടതിന്റെ ഞെട്ടലിൽ ആയിരുന്നു അവൾ.

ഇങ്ങനൊരു കാഴ്ച കാണേണ്ടി വരുമെന്ന് സ്വപ്നത്തിൽ പോലും അവൾ കരുതിയിരുന്നില്ല.

മഹിക്ക് നാഗങ്ങളുമായി മാത്രമല്ല സർപ്പങ്ങളുമായും എന്തോ ബന്ധമുണ്ടെന്ന് അവൾക്ക് ശങ്ക തോന്നി.

സർപ്പത്തെ കുറിച്ച് ചിന്തിച്ചതും അവൾക്ക് കലശലായ കോപം വന്നു.

ബെഡിൽ മുഷ്ടി ചുരുട്ടിയിടിച്ചുകൊണ്ട് അവൾ തന്റെ ഉള്ളിൽ നുരഞ്ഞു പൊന്തുന്ന നാഗ ശക്തിയെ പതുക്കെ അടക്കി നിർത്തുവാൻ ശ്രമിച്ചു.

കോപം അനിയന്ത്രിതമായാൽ തന്റെ നാഗരൂപം പുറത്തേക്ക് വരും.

പിന്നെ അതുകണ്ടാലുള്ള മഹിയുടെ പ്രതികരണം എങ്ങനാവുമെന്ന് ഓർത്തു അവൾക്ക് അൽപം ഭയം തോന്നി.

എങ്കിലും തന്റെ അകകണ്ണിൽ കണ്ട കാഴ്ചയെ അവിശ്വസിക്കുവാൻ അവൾ തയാറായിരുന്നില്ല.

മഹിക്ക് സർപ്പവുമായി എന്തോ ബന്ധമുണ്ടെന്ന് അവൾക്ക് നിശിതമായി തോന്നി.