?കരിനാഗം 9? [ചാണക്യൻ] 372

എന്നാൽ തിരച്ചിലിനിടെ അവൾ കണ്ടത് ഒരു സിന്ദൂരം നിറച്ചു വയ്ക്കുന്ന പഴഞ്ചൻ ചെപ്പ് ആയിരുന്നു.

ആ ചെപ്പ് കയ്യിലെക്കെടുത്തു പതിയെ തുറന്നു നോക്കിയതും അവൾ ഞെട്ടിപ്പോയി.

ആ ചെപ്പിനുള്ളിൽ യക്ഷമി കണ്ടത് ചിന്താമണിയെന്ന അപൂർവമായ അതി വിശിഷ്ടമായ രത്നമായിരുന്നു.

തിളങ്ങുന്ന തൂവെള്ള നിറമുള്ള ചിന്താമണി രത്നം.

അതിന്റെ കണ്ണഞ്ചിപ്പിക്കുന്ന പ്രകാശത്തിൽ യക്ഷമിയുടെ കണ്ണുകൾ പോലും പലപ്പോഴും മഞ്ഞളിച്ചു പോയി.

ആ രത്നത്തിൽ നിന്നായിരുന്നു കുറച്ചു മുന്നേ പോസിറ്റീവ് തരംഗങ്ങൾ പുറപ്പെട്ടത്.

നാഗമാണിക്യത്തെ പോലെ തന്നെ നാഗങ്ങൾ അതിവിശിഷ്ടമായി കാണുന്ന മറ്റൊരു രത്നം.

യക്ഷമി ആ രത്നം ഉള്ളം കയ്യിൽ ഭക്തിയോടെ വച്ചു ഇരു കൺകോണിലുമായി മുട്ടിച്ചു കൊണ്ട് വന്ദിച്ചു.

ഈ സമയം യക്ഷമിയുടെ തിരു നെറ്റിയിൽ മറ്റൊരു വെളുത്ത പ്രകാശം പതിയെ പ്രത്യക്ഷപ്പെട്ടു.

അതു പതിയെ വികസിച്ചു വന്നു തിളങ്ങി തുടങ്ങി.

യക്ഷമിയുടെ നെറ്റിയിലെ ചര്മത്തിനുള്ളിൽ കുടി കൊള്ളുന്നതും മറ്റൊരു ചിന്താമണി രത്നമായിരുന്നു.

രണ്ടു ചിന്തമണി രത്നങ്ങൾ തൊട്ടടുത്തു വന്നെത്തിയതും കൂടുതൽ പ്രഭയോടെ അവ ജ്വലിച്ചു കൊണ്ടിരുന്നു.

ചിന്താമണി രത്നം നാഗലോകത്തെ അപൂർവമായ ഒരു പർവതത്തിന്റെ ഉദരത്തിൽ സൃഷ്ടിക്കപ്പെടുന്ന രതനമാണ്.

നാഗങ്ങളുടെ അൽപായുസ് ദീർഘായുസാക്കി മാറ്റുന്നത് ഈ രത്നമാണ്.

കേവലം ശതകങ്ങൾ മാത്രം ആയുസ്സുള്ള നാഗങ്ങൾക്ക് സഹസ്രം വരെ ജീവിക്കാനുള്ള ആയുസ് കനിഞ്ഞു നൽകുന്നതിന് ചിന്താമണി രത്നത്തിനു പ്രത്യേക സ്ഥാനമുണ്ട്.

നവ ജാതരായ നാഗ ശിശുക്കളുടെ തിരു നെറ്റിയിൽ ആ പർവതത്തിൽ നിന്നും ലഭിക്കുന്ന ചിന്താമണി രത്നം പറിച്ചെടുത്തു ചില പൂജാദി കർമങ്ങളോടൊപ്പം ആ നാഗ ശിശുവിന്റെ ഫണത്തിലേക്ക് ചേർത്തു വയ്ക്കും.