?കരിനാഗം 9? [ചാണക്യൻ] 372

“അറിയാം മന്ത്രിമുഖ്യാ….. ഞാൻ എല്ലാം സൂചിപ്പിച്ചിട്ടുണ്ട് നമ്മുടെ രാജകുമാരനോട്……അദ്ദേഹം തന്നെയാണ് ആദിശേഷന്റെ അംശാവതാരം……. എനിക്ക് നിശ്ചയമുണ്ട്……. നമ്മുടെ കാത്തിരിപ്പിന് വിരാമമായി……. ഞാൻ തന്നെ കണ്ടെത്തി നമ്മുടെ രാജകുമാരനെ”

വാമിഖ അത്യധികം സന്തോഷത്തോടെ പറഞ്ഞു.

അവളുടെ അമ്മ മകളെ അഭിമാന പുരസരം നോക്കി.

മകൾ നേടിയ നേട്ടത്തിൽ അവരുടെ കണ്ണും മഞ്ഞളിച്ചു.

“വാമിഖ….രാജകുമാരനെ ഇവിടേക്ക് കൂട്ടികൊണ്ട് വന്നാലും…… കുമാരനെ ഞങ്ങൾക്ക് ഒരു നോക്ക് എങ്കിലും കണ്ടു സായൂജ്യമടയണം…… പിന്നെ കുമാരന്റെ നിയോഗത്തെ കുറിച്ച് ബോധ്യപ്പെടുത്തണം……. ഇനി ഒട്ടും സമയമില്ല പാഴാക്കുവാൻ”

മാതംഗി അവരെ ബോധ്യപ്പെടുത്തി.

“അറിയാം മാതംഗി അമ്മേ……. കുമാരൻ ഒത്തിരി തിരക്കുകൾ ഉള്ള വ്യക്തിയാണ്…… വൈകാതെ തന്നെ ഇങ്ങോട്ടേക്കു എത്തി ചേരും…… അല്ലെങ്കിൽ ഈ വാമിഖ കൊണ്ടു വന്നിരിക്കും……. നമ്മുടെ മോക്ഷത്തിനുള്ള സമയം ആഗതമായിരിക്കുന്നു.”

വാമിഖ പറഞ്ഞത് കേട്ട് എല്ലാവർക്കും രക്തം തിളച്ചു.

“രാജകുമാരന്റെ നാമധേയം എന്താണ് വാമിഖ?”

ബൃഹസ്പതി പതിയെ ഇടക്ക് കയറി ചോദിച്ചു.

അത്‌ കേട്ടതും നനുത്ത പുഞ്ചിരിയോടെ അവൾ രാജകുമാരന്റെ പേര് പറഞ്ഞു തുടങ്ങി.

“അലോക് നാഥ്‌.”

“അലോക്………”

എല്ലാവരും ഒരേപോലെ ആ നാമം പതിയെ ഉരുവിട്ടു.

വാമിഖ കണ്ടെത്തിയ നാഗയുവാവ് രാജകുമാരൻ തന്നെയെന്ന് അവർ ഉറപ്പിച്ചു.