?കരിനാഗം 9? [ചാണക്യൻ] 372

ഇത്തരമൊരു പാതകത്തിന് കൂട്ടു നിൽക്കാൻ അവൾക്ക് മനസ് വന്നില്ല.

മഹിയാണ് യഥാർത്ഥ കരിനാഗ രാജകുമാരൻ എന്ന് വിളിച്ചു പറയുവാൻ അവളുടെ മനസ് വെമ്പി.

മാതംഗി കണ്ണുകൾ കൊണ്ട് ആംഗ്യം കാണിച്ചതും ബൃഹസ്പതി മുന്നിലേക്ക് നടന്നുകൊണ്ട് പറഞ്ഞു.

“മകളെ യക്ഷമി,……മാതംഗി അരുളിയത് അനുസരിക്കുവിൻ…… ഇത് നമ്മുടെ ആജ്ഞയാണ്…….കരിനാഗ രാജ്യത്തിലെ മന്ത്രിമുഖ്യനായ ബൃഹസ്പതിയുടെ ആജ്ഞ….. നീ കണ്ടെത്തിയ ആ മനുഷ്യനെ വധിച്ചതിന് ശേഷം മാത്രമായിരിക്കണം നിന്റെ ഇനിയുള്ള മടക്കം.”

ഇളയച്ഛന്റെ ആജ്ഞ കേട്ടതും അവൾ തകർന്നു പോയി.

ഇനി തനിക്ക് ഒന്നും ചെയ്യുവാൻ കഴിയില്ല.

ആകെ ഒരു മരവിപ്പ് ആയിരുന്നു.

നെഞ്ചിൽ ഒരു കൂരമ്പ് തറച്ചു കയറുന്ന പോലെയാണ് യക്ഷമിക്ക് തോന്നിയത്.

അവളുടെ കണ്ണുകൾ നിറഞ്ഞൊഴുകി.

ഭാരിച്ച മനസോടെ ചങ്ക് പൊട്ടുന്ന വേദനയോടെ അവൾ തല കുനിച്ചുകൊണ്ട് ആ ആജ്ഞ ശിരസാൽ വഹിച്ചു.

ശേഷം ഞൊടിയിടയിൽ ആ രത്നവുമായി അവിടുന്ന് അപ്രത്യക്ഷമായി.

യക്ഷമി പോയ ശേഷം അവർ രാജകുമാരനെ കുറിച്ച് വാമിഖയോട് കൂടുതലായി അന്വേഷിച്ചുകൊണ്ടിരുന്നു.

“വാമിഖ….രാജകുമാരനു അറിയുമോ എല്ലാ കാര്യങ്ങളും നമ്മുടെ ഭൂതകാലം ഒക്കെ?”

ബൃഹസ്പതി ആയിരുന്നു അത്‌ ചോദിച്ചത്.