?കരിനാഗം 9? [ചാണക്യൻ] 372

മാതംഗിയുടേതായിരുന്നു ആ ചോദ്യം.

സ്വന്തം മകളെ വിശ്വസിക്കാത്ത അമ്മയുടെ ഈ ദുഷ് പ്രവൃത്തിയിൽ പുച്ഛമാണ് യക്ഷമിയ്ക്ക് തോന്നിയത്.

അത്രയ്ക്കും ആവേശം അവരുടെ വാക്കുകളിൽ നിറഞ്ഞു നിൽപ്പുണ്ടായിരുന്നു.

രാജകുമാരനെ കുറിച്ചറിയാനുള്ള ജിജ്ഞാസ.

“മാതംഗി അമ്മേ……. എന്റെ നാട്ടിലെ അറിയപ്പെടുന്ന ഒരു ബിസിനെസുകാരന്റെ മകനായിട്ടാണ് നമ്മുടെ രാജകുമാരൻ വളർന്നത്…….കുമാരനെ എടുത്തു വളർത്തിയ അവരും നാഗങ്ങൾ തന്നെയാണ്……. ഇപ്പോഴാണ് ഞാൻ ആ സത്യം മനസിലാക്കിയത്”

“അതെങ്ങനെയാണ് നീ തിരിച്ചറിഞ്ഞത്?”

മാദ്രിയമ്മ ചാടിക്കയറി ചോദിച്ചു.

“മാദ്രിയമ്മേ…… കുമാരന്റെ കയ്യിലെ കരിനാഗ വംശത്തിന്റെ മുദ്ര പച്ച കുത്തിയത് അബദ്ധവശാൽ എന്റെ കണ്ണിൽ പെട്ടു…… കൂടാതെ കുമാരനു 250 വയസ് പ്രായം ആവുന്നതേയുള്ളൂ…… അപ്പോഴേ ഞാനുറപ്പിച്ചു അത്‌ നമ്മുടെ കുമാരൻ തന്നെയാണെന്ന്.”

വല്ലാത്തൊരു ആവേശത്തോടെയാണ് വാമിഖ അത്‌ പറഞ്ഞു തീർത്തത്.

എല്ലാവരും അവളെ സശ്രദ്ധം കേൾക്കുകയായിരുന്നു.

“അല്ലാതെ ചിലരെ പോലെ കഴിഞ്ഞ അഞ്ച് ദശകങ്ങൾ തോറും ഓരോ കരിനാഗ രാജകുമാരനെ കണ്ടെത്തി കൊലക്ക് കൊടുക്കുകയല്ല ചെയ്തത് ”

അവസാനം പറഞ്ഞ വാചകം യക്ഷമിയെ കളിയാക്കുന്ന രീതിയിലായിരുന്നു വാമിഖയുടെ ധ്വനി.

അതു കേട്ടപ്പോഴേ യക്ഷമിക്ക് ചൊറിഞ്ഞു കയറിയെങ്കിലും സംയമനം പാലിക്കുകയാണ് ചെയ്തത്.

ദേഷ്യം കാരണം അവളുടെ മുഖം വലിഞ്ഞു മുറുകി.