?കരിനാഗം 9? [ചാണക്യൻ] 372

ഈ സമസ്യയിൽ നിന്നും എങ്ങനേലും രക്ഷപ്പെടണമെന്ന് അവൾക്ക് തോന്നി.

യക്ഷമി എന്തോ ആലോചിച്ചു കൊണ്ടിരിക്കെ പൊടുന്നനെ അവിടെ അതി സുന്ദരിയായ ഒരു യുവതി പ്രത്യക്ഷപ്പെട്ടു.

ആ യുവതി ഒരു ജീൻസും ഷർട്ടും ആയിരുന്നു ധരിച്ചിരുന്നത്.

അവൾക്ക് സമീപം തന്നെ മധ്യവയസ്കയായ മറ്റൊരു സ്ത്രീയും പ്രത്യക്ഷപ്പെട്ടു.

അവരുടെ മുഖച്ചായ തന്നെയായിരുന്നു ആ യുവതിക്കും.

അൽപം മോഡേൺ ആയിട്ടുള്ള പ്രകൃതം.
അഞ്ജനമെഴുതിയ മിഴികളും തത്തമ്മ ചുണ്ടുകളും അവളുടെ അഴക് വർധിപ്പിച്ചു.

ആ നുണക്കുഴി കവിളുകൾ മാത്രം മതിയായിരുന്നു ആരെയേലും വശീകരിക്കുവാൻ.

അവിടേക്ക് എത്തി ചേർന്ന ഇരുവരും ബൃഹസ്പതിയെ വന്ദിച്ചു.

ശേഷം മാതംഗിക്കും മാദ്രിയമ്മക്കും പ്രണാമം കൈ മാറി.

“പറയൂ വാമിഖ എന്താണ് ആഗമനോദേശ്യം?”

മുന്നിൽ നിൽക്കുന്ന സുന്ദരിയായ യുവതിയെ നോക്കിക്കൊണ്ട് ബൃഹസ്പതി ആരാഞ്ഞു.

“ഇതുവരെ ഒരു നാഗങ്ങൾക്കും സാധിക്കാത്ത ഒരു കൊടും രഹസ്യത്തിന്റെ ചുരുൾ ഞാനഴിച്ചു മന്ത്രിമുഖ്യാ ”

അതു പറയുമ്പോഴും വല്ലാത്തൊരു ഭാവമായിരുന്നു വാമിഖയ്ക്ക്.

എന്തോ നേടിയെടുത്ത പോലെ.

ഗർവ്വ് നിറഞ്ഞ മിഴികൾ.

അതിങ്ങനെ കൂമ്പിയടയുന്നത് കാണാൻ തന്നെ നല്ല ചേലാണ്.