?കരിനാഗം 9? [ചാണക്യൻ] 372

“ഹ്മ്മ്…കുഴപ്പമില്ല ശരിയാവുന്നുണ്ട്”

മഹി നിസംഗതയോടെ പറഞ്ഞു.

“എന്തൊക്കെയായാലും ഈ വരുന്ന ശനിയാഴ്ച പൊന്നുമോൻ അവിടുന്ന് വണ്ടി കേറിക്കോണം….. കേട്ടല്ലോ ”

ഒരു കള്ള ചിരിയോടെയായിരുന്നു റോസ്മേരി അത്‌ പറഞ്ഞത്.

“എങ്ങോട്?”

അവന്റെ വാക്കുകളിൽ അമ്പരപ്പ് നിറഞ്ഞിരുന്നു.

“കേരളത്തിലേക്ക്”

“നാട്ടിലേക്കോ? ഞാനെന്തിനാ അങ്ങോട്ട് വരുന്നേ?”

“മഹി അവിടെ നിന്നെ നോക്കാൻ ആരുമില്ലെന്ന് എനിക്കറിയാം….. നിന്നെ അവിടെ കിടന്ന് നരകിക്കാൻ ഞാൻ സമ്മതിക്കില്ല…… അതുകൊണ്ടു എന്റെ പൊന്നു മോൻ കിട്ടുന്ന വണ്ടിക്ക് വേഗം നാട്ടിലേക്ക് പൊന്നോ ”

അവളുടെ കുണുങ്ങിച്ചിരി കേട്ടതും പെട്ടെന്ന് എന്തു ചെയ്യണമെന്നറിയാതെ മഹി പതറി.

കേരളത്തിലേക്ക് പോകാൻ മാനസികമായി അവൻ ഒട്ടും തയാറായിരുന്നില്ല.

രാജസ്ഥാനും രംഗസ്ഥൽ ഗ്രാമവും ഒക്കെ ആയിരുന്നു അവന്റെ ലോകം.

ആ ചട്ടക്കൂടു വിട്ട് പുറത്തേക്ക് പോകാൻ അവനും ഒട്ടും ആഗ്രഹിച്ചിരുന്നില്ല.

ഒരിക്കൽ പോലും.

റോസ്മേരിയോട് കേരളത്തിലേക്ക് വരുന്നില്ലെന്ന് പറയാൻ വായ തുറന്നതും അവൾ ഉടനെ അടുത്ത ബോംബിട്ടു.

“ഡാ….ഞാൻ ടിക്കറ്റ് ബുക്ക്‌ ചെയ്തു നിന്റെ മെയിലിൽ അയച്ചിട്ടുണ്ട്…… ഇന്ന് ബുധനാഴ്ച….. വരുന്ന ശനിയാഴ്ച അവിടുന്ന് വണ്ടി കേറിക്കോണം ”

ഒരു സഹോദരിയുടെ അധികാരത്തോടെ റോസ്മേരി പറഞ്ഞു.

മഹിയെ കൂടുതൽ ഒന്നും പറയാൻ സമ്മതിക്കാതെ അവൾ ഫോൺ കട്ട്‌ ചെയ്തു.