?കരിനാഗം 9? [ചാണക്യൻ] 372

അതിൽ ആണുങ്ങളും പെണ്ണുങ്ങളും ഉൾപ്പടെ രണ്ടക്ക സംഖ്യയോളം ഉണ്ടായിരുന്നു ആകെതുക.

ബൃഹസ്പതി ആയിരുന്നു അവരെ നിയന്ത്രിച്ചു കൊണ്ടിരുന്നത്.

കൂടാതെ മാദ്രിയമ്മ അവിടെ ഒരു കുഞ്ഞു കരിങ്കല്ലിന് മുകളിൽ ഇരിപ്പുണ്ട്.

ബൃഹസ്പതി ആ യുവതി യുവാക്കളോടായി എന്തൊക്കെയോ നിർദ്ദേശങ്ങൾ നൽകിക്കൊണ്ടിരിക്കുകയാണ്.

മിക്കവരുടെയും കയ്യിൽ എന്തെങ്കിലും ആയുധങ്ങൾ ഉണ്ടാവും.

ചിലർക്ക് ഉടവാൾ മറ്റു ചിലർക്ക് കഠാര, കുന്തം, തൃശൂലം, ഗദ, ധനുസ്, വളരി എന്നിവയായിരുന്നു.

ധനുസ് ഏന്തിയവർ വിരലിലെണ്ണാവുന്നവർ മാത്രമായിരുന്നു.

വളരി കൈകളിൽ ഏന്തിയ യുവതികൾക്ക് വല്ലാത്തൊരു വന്യമായ മുഖഭാവമായിരുന്നു.

വളരി എന്നത് ആനക്കൊമ്പിന്റെ ആകൃതിയിലുള്ള ആയുധമാണ്…… ഒരു പ്രത്യേക ആങ്കിളിൽ എറിഞ്ഞാൽ ലക്ഷ്യത്തെ ഭേദിച്ചു അത്‌ തിരികെ കൈകളിൽ തന്നെ എത്തി ചേരും….

(സീമരാജ എന്ന തമിഴ് മൂവിയിൽ ശിവ കാർത്തികേയൻ അഭിനയിച്ച കടമ്പവേൽ രാജ എന്ന ചരിത്ര കഥാപാത്രത്തിന്റെ കയ്യിലുള്ള ആയുധം)

എല്ലാവരുടെയും മുഖത്തു യുദ്ധവെറി പ്രകടമായിരുന്നു.

അവരുടെ മുന്നിൽ നിന്ന് വേണ്ടുന്ന നിർദ്ദേശങ്ങൾ ബൃഹസ്പതി നൽകവേ പൊടുന്നനെ അവർക്ക് മുന്നിൽ യക്ഷമി പ്രത്യക്ഷപ്പെട്ടു.

എല്ലാവരുടെയും കണ്ണുകൾ പൊടുന്നനെ അവളിലേക്ക് പാറി വീണു.

കൊച്ചുമകളെ കണ്ടതും മാദ്രിയമ്മ ഇരിപ്പടത്തിൽ നിന്നും ചാടിയെണീറ്റു.

എന്നിട്ട് അവൾക്ക് സമീപം നടന്നടുത്തു.