?കരിനാഗം 7?[ചാണക്യൻ] 307

ഉളിലേക്ക് കയറിയതും ഒരുത്തൻ മുന്നിലൂടെ ഇരുട്ടത്ത്‌ നടക്കുന്നത് അവൻ വ്യക്തമായി കണ്ടിരുന്നു.

അയാളുടെ ചെവിക്ക് പിന്നിൽ കയ്യിലുള്ള മഴുകൊണ്ട് വീശിയടിച്ചതും അയാൾ രണ്ടടി അപ്പുറത്തേക്ക് തെറിച്ചു വീണു.

കൂട്ടാളികളിൽ ഒരുത്തൻ തെറിച്ചു വീഴുന്നത് കണ്ട് ബാക്കിയുള്ള നാല് പേർ സംഭ്രമത്തോടെ വാതിനു മുന്നിലേക്ക് ടോർച്ചടിച്ചു.

അപ്പൊ കണ്ടത് ചോരയിൽ കുളിച്ചു നിൽക്കുന്ന ഒരു രൂപത്തെ ആയിരുന്നു.

ആ രൂപത്തിന്റെ കയ്യിൽ രക്തം പാനം ചെയ്ത് മതിയാവാത്ത രക്ഷസ്സിനെ പോലെ ഒരു മഴുവും.

അവർ എന്തേലും ചിന്തിക്കുന്നതിനും പറയുന്നതിനും മുന്നേ മഹി ഒരു പ്രത്യേക ആങ്കിളിൽ ആ മഴു ചരിച്ചു പിടിച്ചു വലിച്ചെറിഞ്ഞു.

അത്‌ കറങ്ങി പോയി വരി വരിയായി നിൽക്കുന്ന നാല് പേരിൽ വലതു ഭാഗത്തു നിൽക്കുന്നവന്റെ തലമണ്ട പൊളിച്ച ശേഷം മുന്നിലേക്ക് വീണ്ടും വട്ടം കറങ്ങി പ്പോയി.

അപ്പഴേക്കും അയാൾ മുഖം പൊത്തി പിടിച്ചുകൊണ്ടു നിലത്തേക്ക് വീണിരുന്നു.

മുന്നിലേക്ക് കറങ്ങി പോയ ആ മഴു ഒരു ബൂമറാങ് പോലെ വട്ടം കറങ്ങിക്കൊണ്ട് ശക്തിയിൽ തിരിഞ്ഞു വന്നു.

അപ്പോഴേക്കും ഇടത് വശത്തു നിൽക്കുന്നവന്റെ തലയും തകർത്തു കൊണ്ടാണ് അത്‌ റിട്ടേൺ വന്നത്.

അത്‌ തൊട്ട് മുന്നിലെത്തിയതും മഹി കൂളായി അതിനെ കൈപിടിയിൽ ഒതുക്കി.

തന്റെ കൂട്ടാളികൾ നൊടിയിടയിൽ വീണതു കണ്ട മറ്റു രണ്ടു പേർ കാരണമെന്തെന്നറിയാതെ ഒന്നു പതറി.

അവർ കയ്യിൽ കിട്ടിയ ആയുധങ്ങളുമെടുത്ത് മഹിയ്ക്ക് നേരെ തിരിഞ്ഞു.

അപ്പോഴേക്കും ആ വാതിൽ ഭാഗം ശൂന്യമായിരുന്നു.

അവിടെ ആരുമുണ്ടായിരുന്നില്ല.

ആ ബ്ലോക്കിൽ അവർ സകലമാന മൂലകളിലും ലൈറ്റ് അടിച്ചു നോക്കി.

പക്ഷെ ഒന്നും കണ്ടെത്താനായില്ല.

എന്നാൽ അവരുടെ ഓരോ ചെയ്തികളും കണ്ടുകൊണ്ട് മഹി ഉത്തരത്തിലെ കമ്പിയിൽ തലകീഴായി തൂങ്ങി കിടപ്പുണ്ടായിരുന്നു.

അവർ തൊട്ട് താഴെയെത്തിയതും അവൻ താഴേക്ക് ചാടി വീണു.

ഒരു സെക്കന്റ്‌ പോലും കളയാതെ അവിടുണ്ടായിരുന്ന മരത്തിന്റെ മേശയെടുത്ത് അവർ ഇരുവരെയും ശക്തിയിൽ പ്രഹരിച്ചു.

നാല് പേർ കൈ വച്ചാൽ മാത്രം പൊങ്ങുന്ന ആ മേശയാണ് മഹി നിഷ്പ്രയാസം എടുത്തു പൊക്കി അവരെ പ്രഹരിച്ചത്.

കൂടം കൊണ്ട് തല്ല് കിട്ടിയ പോലെ അവർ ദൂരേക്ക് തെറിച്ചു വീണു.

ഒപ്പം ആ മേശയും തവിടു പൊടിയായി.