?കരിനാഗം 12?[ചാണക്യൻ] 413

.
.
ജീപ്പ് നിന്ന ശേഷം മഹി ഡോർ തുറന്ന് ഡ്രൈവിംഗ് സീറ്റിൽ നിന്നും പുറത്തേക്ക് ചാടി.

വേഗം ബൊണറ്റിരികിലേക്ക് വന്ന മഹി കാണുന്നത് ബൊണറ്റിൽ കിടന്ന് പുളയുന്ന ഒരു സർപ്പത്തെയായിരുന്നു.

മഹി അത്ഭുതത്തോടെ ആ സപ്പത്തിന് നേരെ കൈ നീട്ടി.

ഒരു മാനവന്റെ കരം തന്നിലേക്ക് നീളുന്നത് കണ്ട രുദ്രരൂപ വെറുപ്പോടെ ഫണമുയർത്തി പിടിച്ചു ചീറ്റി.

സ്………………… സ്‌……………………. സ്

രുദ്രയുടെ പൊടുന്നനെയുള്ള ആക്രമണത്തിൽ നിന്നുമൊഴിഞ്ഞ മഹി ഒരടി അകലെ നിന്നുകൊണ്ട് ആ സർപ്പത്തെ തന്നെ വീക്ഷിച്ചു.

അതിന്റെ ഉടലിൽ പലയിടത്തും ചോരമയം ആയിരുന്നു.

പലയിടത്തുമായി മുറിവുകൾ കാണാമായിരുന്നു.

അത് കണ്ടു മനസലിഞ്ഞ മഹി ജീപ്പിൽ കരുതിയ പഞ്ഞിയും ഡെറ്റോളും എടുത്തുകൊണ്ടു വന്നു.

എന്നിട്ട് വീണ്ടും സർപ്പത്തിന് നേരെ അടുക്കാൻ തുണിഞ്ഞതും അത്‌ വീണ്ടും ആവേശത്തോടെ ചീറ്റി.

സ്……………….. സ്……………….. സ്

ആ മനുഷ്യൻ തന്നെ എന്തൊക്കെയോ എടുത്തുകൊണ്ടു കൊല്ലാൻ വരുവാണെന്ന് ഭയപ്പെട്ട രുദ്രരൂപ തന്നാലാവും വിധം പത്തി വിടർത്തി പിടിച്ചു മഹിയെ ഭയപ്പെടുത്താൻ നോക്കി.

സ്………………… സ്…………………… സ്

അത് കണ്ടതും കലി പൂണ്ട മഹിയുടെ നക്ഷത്രകണ്ണുകൾ പൊടുന്നനെ തിളങ്ങി.

മഹി രുദ്രരൂപയുടെ കണ്ണുകളിൽ നോക്കിക്കൊണ്ട് ഉച്ഛരിച്ചു.

സ്………. സാാാാഹ്…………. ഹ്ഹഹ്ഹസാാാാാ

തന്റെ കണ്മുന്നിൽ നിക്കുന്ന മനുഷ്യൻ മന്ത്രിക്കുന്നത് കേട്ട് രുദ്രരൂപയൊന്ന് ഞെട്ടി.

കാരണം മഹി ഉച്ചരിച്ചത് സർപ്പ ഭാഷയായിരുന്നു.

ഭയപ്പെടേണ്ടതില്ല……. ഞാൻ നിന്റെ രക്ഷയ്ക്ക് വന്നവനാണ്…… ദയവായി നിന്നെ ശുശ്രൂശിക്കാൻ അനുവദിച്ചാലും സർപ്പിനി

ഇതായിരുന്നു മഹിയുടെ നാവിൽ നിന്നും മന്ത്രിച്ച സർപ്പ ഭാഷയുടെ പരിഭാഷ

രുദ്രരൂപ അപ്പോഴും ഞെട്ടലിൽ നിന്നും വിമുക്തയായില്ലായിരുന്നു.

അവൾ മഹിയെ തന്നെ ഉറ്റു നോക്കി.

എന്തോ തന്റെ കണ്മുമ്നിൽ നിൽക്കുന്ന മാനവൻ തന്നെ സഹായിക്കുവാൻ വന്നതാണെന്ന ബോധം രുദ്രരൂപയിൽ ഉടലെടുത്തു.

അവൾ തന്റെ ഫണം താഴ്ത്തി.

മഹി സന്തോഷത്തോടെ പഞ്ഞിയിൽ ഡെറ്റോൾ പുരട്ടി രുദ്രരൂപയുടെ ഉടലിൽ പതിയെ പുരട്ടുവാൻ തുടങ്ങി.

പഞ്ഞി മുറിവിൽ സ്പർശിക്കവേ നോവോടെ അവൾ മഹിയെ ഒന്നു പാളി നോക്കി.

ഒന്നുമില്ലാട്ടോ….. പേടിക്കണ്ട.

മഹി സർപ്പത്തെ ആശ്വസിപ്പിക്കുന്ന തരത്തിൽ പറഞ്ഞ ശേഷം പഞ്ഞികൊണ്ടു രുദ്രരൂപയുടെ ഉടലിലെ ചെളിയും പൊടിയുമെല്ലാം തുടച്ചു കളഞ്ഞു.