🔱കരിനാഗം 12🔱[ചാണക്യൻ] 413

നീ ഫുഡ് ഒക്കെ കഴിച്ചു ഫ്രഷ് ആയിട്ട് കേറി കിടന്ന് ഉറങ്ങിക്കോ….. ഈവെനിംഗ് ആവുമ്പോൾ ഞാൻ എത്തിക്കോളാം….. എന്ത് ആവശ്യമുണ്ടേലും അമ്മയോട് പറയാൻ മടിക്കണ്ടാട്ടോ

റോസ്മേരി പറയുന്നതിന് മഹി യന്ത്രികമായി തലയാട്ടി.

ഇന്നാ മക്കളെ വേഗം കഴിച്ചോ.

ഡൈനിങ് ടേബിളിൽ നിരത്തിയ ഇടിയപ്പവും കടല കറിയും മറിയം മഹിക്കും റോസ്മേരിക്കുമായി നൽകി.

റോസ്മേരി തിടുക്കപ്പെട്ട് ഭക്ഷണം നുള്ളി പെറുക്കി തിന്നു.

റോസ്മേരിയുടെ അമ്മയുടെ ഭക്ഷണം മഹിക്ക് നന്നേ ബോധിച്ചു.

അത്രയ്ക്ക് രുചികരമായിരുന്നു ആ വിഭവം.

ഭക്ഷണത്തിനു ശേഷം കയ്യൊക്കെ കഴുകി റോസ്മേരിയുടെ കൂടെ അവൻ ഹാളിലേക്ക് എത്തി.

അന്ന് ഞാൻ ജോധ്പൂർ വന്നപ്പോൾ നിന്നോട് പറഞ്ഞിരുന്നില്ലേ, നീ കേരളത്തിലേക്ക് വരുമ്പോൾ ഒരു സർപ്രൈസ് ഉണ്ടാകുമെന്ന്

റോസ്മേരി പറയുന്നത് ശ്രദ്ധിച്ചപ്പോഴാണ് പണ്ടങ്ങനെ അവൾ പറഞ്ഞത് മഹി ഓർത്തെടുത്തത്.

ഹ്മ്മ്……. ഓർമയുണ്ട്…….. എന്താണത്

മഹി ആകാംക്ഷയോടെ ചോദിച്ചു.

ദേ അങ്ങോട്ട് നോക്കിക്കേ.

ചുവരിൽ തൂക്കിയ ഒരു ഫോട്ടോയിലേക്ക് മഹി പാളി നോക്കി.

ഒറ്റ തവണയെ അവൻ നോക്കിയുള്ളു.

ആ ഫോട്ടോയിലുള്ള ആളെ കണ്ടു അവൻ ഞെട്ടിത്തരിച്ചു.

അയ്യോ…… ഇത് കാണാൻ എന്നെ പോലെ തന്നെയുണ്ടല്ലോ

അത്ഭുതത്തോടെ മഹി പറഞ്ഞു.

എന്റെ സഹോദരനാ……. റോഷൻ

റോസ്മേരി ഒരു നെടുവീർപ്പോടെ പറഞ്ഞു.

അപ്പൊ റോസ്മേരി പറയാറുള്ള റോഷൻ ഇതാണെന്ന് അനന്തു മനസിലാക്കി.

ഹ്മ്മ്……. എന്നാൽ ശരി വൈകിട്ട് കാണാം…… ബൈ

മഹിക്കും മറിയത്തിനും ടാറ്റ കൊടുത്ത് റോസ്മേരി സ്കൂട്ടിയും കൊണ്ടു ജോലിക്ക് പോയി.

അവിടുത്തെ ലോക്കൽ ചാനലിന്റെ ജേർണലിസ്റ്റും ആങ്കറും ഒക്കെയാണ് റോസ്മേരി.

റോസ്മേരി പോയി കഴിഞ്ഞതും മറിയം കാണിച്ചു തന്ന റൂമിൽ പോയി മഹി സാവധാനം ഒന്നു കിടന്നതേ ഓര്മയുള്ളു.

അപ്പോഴേക്കും മയക്കത്തിലേക്ക് വീണിരുന്നു.

—————————————————-

വെളുപ്പിന് 3 മണി

മലപ്പുറത്തെ ഏതോ ആളൊഴിഞ്ഞ തീരപ്രദേശത്തിനോട്‌ ചേർന്നുള്ള സമുദ്രത്തിലൂടെ രുദ്രരൂപ സാവധാനം നീന്തിയെത്തി.

സമുദ്രത്തിലൂടെ തുടർച്ചയായുള്ള പ്രയാണം രുദ്രരൂപയെ ക്ഷീണിതയാക്കി.

തീരത്തെ സ്പർശിച്ച നിമിഷം രുദ്രരൂപ അവശയായി മണ്ണിലേക്ക് വീണു.

നേരം വെളുക്കുവാൻ നാഴികകൾ മാത്രം മതിയെന്ന് മനസിലാക്കിയ രുദ്രരൂപ സാവധാനം എഴുന്നേറ്റ് പഞ്ചാര മണലിലൂടെ മുന്നോട്ട് ഇഴഞ്ഞു.

ഒരു ഗുഹയോ അല്ലേൽ സൂര്യപ്രകാരം ഏൽക്കാത്ത മറ്റൊരിടമോ കണ്ടത്തേണ്ടിയിരിക്കുന്നു.

ആത്മഗതം പറഞ്ഞുകൊണ്ട് രുദ്രരൂപ മുന്നിലേക്ക് ധൃതിയിൽ ഇഴഞ്ഞു.