?കരിനാഗം 12?[ചാണക്യൻ] 413

ഏയ്‌ ഒന്നുമില്ല….. നാളെ അവരെ പോയി ഞാൻ കാണാം

യക്ഷമിയെ കുറിച്ച് ഓർത്തുകൊണ്ടിരുന്ന അവൻ ഞെട്ടലോടെ വിഷയം മാറ്റി.

അല്ല ഞാൻ ഒന്ന് ചോദിക്കട്ടെ…… നാളെ  കോളേജിലേക്ക് എങ്ങനെ പോകും.? വണ്ടിയൊന്നും ഇല്ലല്ലോ?

മറിയം സംശയം പ്രകടിപ്പിച്ചു.

അമ്മേ നമുക്ക് ഇച്ചായന്റെ വണ്ടി കൊടുത്താലോ?

റോസ്മേരി പ്രതീക്ഷയോടെ മാറിയത്തിന്റെ മുഖത്തേക്ക് നോക്കി.

മറിയത്തിന്റെ സമ്മതം കിട്ടുവാൻ.

തെല്ലോട്ടും ആലോചിക്കാൻ പോലും നിൽക്കാതെ മറിയം സമ്മതിച്ചതിന്റെ അതിശയത്തിൽ ആയിരുന്നു അവൾ.

ഏത് വണ്ടിയാ?

മഹി ചിരിയോടെ ചോദിച്ചു.

വാ കാണിച്ചു തരാം.

അതും പറഞ്ഞുകൊണ്ട് റോസ്മേരി മഹിയുടെ കയ്യും പിടിച്ചു പുറത്തേക്കിറങ്ങി.

അവിടെ വീടിന്റെ പിറകിലായി ഒരു വണ്ടി ടാർപോളിൻ കൊണ്ട് പൊതിഞ്ഞു വച്ചത് മഹി നടന്നു വരുമ്പോഴേ കണ്ടിരുന്നു.

ടാർപോളിനിൽ പറ്റിയ ചെളിയും മണ്ണും കണ്ടപ്പോഴേ അത്‌ പുറത്തെടുത്തിട്ട് തന്നെ കാലം കുറെ ആയെന്ന് അവന് മനയിലായി.

അതിനു സമീപം വന്നു നിന്ന റോസ്മേരി ആ ടാർപോളിൻ പയ്യെ വലിച്ചു മാറ്റി.

അവിടെ പൊടിയിൽ മുങ്ങികുളിച്ച ഒരു ഥാർ ജീപ്പ് പ്രത്യക്ഷമായി.

ഒരു കുട്ടി കൊമ്പനെ പോലെ.

അമ്പോ…..

മഹി ആവേശത്തോടെ വിളിച്ചു കൂവി.

ഥാർ ജീപ്പ് അവന്റെ ക്രേയ്സ് ആണ്

മഹി ആ വണ്ടിയുടെ ബോണറ്റിൽ പയ്യെ തഴുകി.

എന്റെ ഏട്ടന്റെ വണ്ടിയാ

അത്‌ പറയുമ്പോൾ റോസ്മേരിയുടെ ശബ്ദം ഇടറിയിരുന്നു.

റോസ്മേരിയെ ചേർത്തു പിടിച്ച ശേഷം മഹി ആ ഥാർ ജീപ്പിനുള്ളിലേക്ക് ഡോർ തുറന്ന് കയറി.

ഡ്രൈവിംഗ് സീറ്റിൽ ഇരുന്നു മഹി സ്റ്റീയറിങ് തിരിച്ചു കളിച്ചുകൊണ്ടിരുന്നു.

വണ്ടി കംപ്ലയിന്റ് ആടാ ചെക്കാ…. നീ റിപ്പയർ ചെയ്തിട്ട് എടുത്തോട്ടോ

റോസ്മേരി പറയുന്നത് കേട്ട് മഹി ചിരിയോടെ തലയാട്ടി.

—————————————————-

ഭൂമിയിൽ പ്രവേശിച്ചതും രുദ്രരൂപയുടെ ശക്തി ക്രമേണ കുറഞ്ഞു വന്നു തുടങ്ങി.

അപ്പോഴാണ് ഞെട്ടലോടെ അവൾ ഒരു കാര്യം ഓർത്തെടുത്തത്.

ഭൂമിയിൽ പ്രവേശിച്ചു കഴിഞ്ഞാൽ പിന്നെ സർപ്പങ്ങൾക്ക് അവരുടെ ശക്തി ക്രമേണ നശിക്കും.

ഒരു സാധാരണ പാമ്പിനോളം വരുമത്.

ഒരു മനുഷ്യ ഉടൽ കിട്ടിയെങ്കിൽ മാത്രമേ ഇനി തന്റെ പഴയ ശക്തികൾ തിരിച്ചു കിട്ടൂ.

ഗുരു പറഞ്ഞ സമതല പ്രദേശം തേടി ഇഴയവേ അവൾ ഓർത്തു.

വലിയ മുൾചെടികൾക്ക് ഇടയിലൂടെ നൂഴ്ന്നിറങ്ങവേ അവളുടെ ഉടലിൽ മുള്ളുകൾ കുത്തിയിറങ്ങി പോറലുകൾ ഉണ്ടായി.

അതിൽ നിന്നും രക്തം ചീന്തി.