?കരിനാഗം 12?[ചാണക്യൻ] 413

ഓടിട്ട പൗരാണികമായ ഒരു വീട്.

മുറ്റത്ത് ചരൽ വിരിച്ചിരിക്കുന്നു

മനോഹരമായ പുരയിടവും ചുറ്റുപാടും.

മഹിയുടെ കണ്ണുകൾ ചുറ്റും പാഞ്ഞു നടക്കവേ മെലിഞ്ഞു കോലു പോലുള്ള ഒരു രൂപം ഉള്ളിൽ നിന്നും വാതിൽ തുറന്നുകൊണ്ടു പുറത്തേക്കിറങ്ങി.

മമ്മിക്ക് ഇതാരാണെന്ന് മനസ്സിലായോ?

റോസ്മേരി മറിയത്തെ കണ്ടപാടെ ചോദ്യശരമെയ്തു.

മറിയം ഒന്നും മനസിലാവാതെ റോസ്മേരിയെ തിടുക്കത്തിൽ നോക്കി.

ആരാണെന്ന് അറിയാനുള്ള വ്യഗ്രതയോടെ

രാജസ്ഥാനിലെ എന്റെ അനിയൻ കുട്ടനാ

റോസ്മേരി കള്ള ചിരിയോടെ പറഞ്ഞു.

അയ്യോ മഹി മോൻ ആയിരുന്നോ ഇത്?

മറിയം അങ്കലാപ്പോടെ കണ്ണുകൾ ഉരുട്ടിക്കൊണ്ട് ചോദിച്ചു.

അതേ മമ്മി….. മഹി തന്നെ

റോസ്മേരി പറഞ്ഞതും മറിയം മഹിയുടെ അരികിലേക്ക് വന്നു പറഞ്ഞു.

വാ മോനെ

മറിയം അവനെ ഉള്ളിലേക്ക് ക്ഷണിച്ചു.

എന്നിട്ട് മഹിയുടെ കയ്യും പിടിച്ചുകൊണ്ടു ഉള്ളിലേക്ക് കയറി.

ഉള്ളിൽ കയറിയതും മഹിക്ക് ആ വീടിന്റെ അകം പെരുത്ത് ഇഷ്ടായി.

ടൈൽസ് അല്ലാതെ റെഡോക്സൈഡ് ഇട്ട നിലം.

ചായം തേച്ച ചുമരുകൾ.

മിക്ക വീടുകളുടെ ഒഴിച്ച് കൂടാനാവാത്ത ഘടകമായ സോഫാ സെറ്റിയോ ദിവാൻ കോട്ടോ ഇവിടില്ല.

അവിടെ കണ്ട ഒരു കസേരയിൽ മഹി ബഹുമാനത്തോടെ ഇരുന്നു.

മോനെന്താ വേണ്ടേ? ചായയെടുക്കട്ടെ

മറിയം പെട്ടെന്നെന്തോ ഓർത്തതും ധൃതിയിൽ ചോദിച്ചു.

ഒന്നും വേണ്ടാമ്മെ

മഹി സ്നേഹപൂർവ്വം അതിനെ നിരസിക്കാൻ നോക്കി

എടുത്തോ അമ്മേ….. ഈ ചെക്കൻ ഒന്നും കഴിച്ചിട്ടില്ല ……. വെറുമൊരു കാലി ചായ മാത്രമേ കുടിച്ചിട്ടുള്ളു…… ഭയങ്കര നാണം കുണുങ്ങിയാ……. ഒന്നും ചോദിച്ചു വാങ്ങില്ല.

റോസ്മേരി വായ് പൊത്തി ചിരി തുടങ്ങി.

പോടീ

മഹി കയ്യോങ്ങിയതും റോസ്മേരി സ്ഥലം കാലിയാക്കി.

വാ മോനെ കഴിക്കാം…….ഇടിയപ്പവും കടല കറിയും ഉണ്ട്

മറിയം സ്നേഹത്തോടെ അവനെ പിടിച്ചു ഡൈനിങ് ടേബിളിന് സമീപമുള്ള ചെയറിൽ ഇരുത്തി.

ഞാനിപ്പോ വരാട്ടോ.

അതും പറഞ്ഞുകൊണ്ട് അവർ ചായ എടുക്കാനായി അടുക്കളയിലേക്ക് പോയി.

അല്പം കഴിഞ്ഞതും ഒരു പാന്റ്സും ഷർട്ടും അണിഞ്ഞു കഴുത്തിൽ ഒരു ടാഗും കൂടിയിട്ട് മുടിയൊക്കെ അലസമായി വാരിയൊതുക്കികൊണ്ട് വന്നു.