?കരിനാഗം 12?[ചാണക്യൻ] 413

റോസ്മേരി ആവേശത്തോടെ ചോദിച്ചു.

ഹ്മ്മ് ശരിയാ….. നീ ഇച്ചിരി കൂടി വണ്ണം വച്ചല്ലോ

മഹി അവളെ ആകമാനം നോക്കികൊണ്ട് തുറന്നു പറഞ്ഞു.

നോയമ്പ് ഒക്കെ കഴിഞ്ഞതല്ലേ ഉള്ളൂ….. അപ്പൊ ഫുഡിങ് ഇച്ചിരി കൂടുതലാ മോനൂസേ

ബീഫും പന്നിയും ഒക്കെ അല്ലെ മെയിൻ….. കൂടിയില്ലെങ്കിലെ അത്ഭുതം ഉള്ളൂ.

മഹി ചിരിയോടെ പറഞ്ഞു.

അതെന്തേലും ആവട്ടെ…… നമുക്ക് എന്നാ തെറിക്കാം

ആയ്കോട്ടെ

മഹി ഗ്രീൻ സിഗ്നൽ നൽകിയതും റോസ്മേരി അവന്റെ കയ്യിൽ പിടിച്ചു വലിച്ചു കൊണ്ടു തിരക്കിനിടയിലൂടെ നൂഴ്ന്നിറങ്ങി.

സ്റ്റാൻഡിനു വെളിയിലുള്ള തന്റെ ഹോണ്ട ആക്ടിവയ്ക്ക് സമീപം എത്തിയപ്പോഴാണ് റോസ്മേരി ശ്വാസം വിട്ടത്.

നമുക്ക് എന്നാ വേഗം പോയാലോ

നിനക്ക് എന്താ ഇത്ര തിരക്ക്?

മഹി മുഖം വീർപ്പിച്ചുകൊണ്ടു ചോദിച്ചു.

ടാ മാക്കാനേ എന്തിനാണെന്നോ? നീ നേരത്തെ വരുന്ന കാര്യം ഒരു വാക്ക് പറയായിരുന്നില്ലേ….. എങ്കിൽ ഞാൻ ലീവ് എടുക്കില്ലായിരുന്നോ?

റോസ്മേരി അൽപം കലിപ്പോടെ ചോദിച്ചു.

ഹാ പോട്ടെ ചേച്ചി പെണ്ണെ…… സാരമില്ല….
ഞാൻ വെയിറ്റ് ചെയ്തോളാം മാഡം തിരികെ വരുന്ന വരെ

ഡൺ

റോസ്മേരി പുഞ്ചിരിയോടെ ഹെൽമെറ്റ്‌ എടുത്തു തലയിൽ അണിഞ്ഞു.

കൂട്ടത്തിൽ ഒരെണ്ണം മഹിക്കും നൽകി.

ഇതെന്തിനാ?

മഹി ഒന്നും മനസിലാവാതെ റോസ്മേരിയെ തുറിച്ചു നോക്കി.

എന്റെ പൊന്നു മോനെ….. ഇവിടെ ട്രാഫിക് നിയമം ഒക്കെ ഇച്ചിരി കർശനമാ…… ബൈക്കിൽ സഞ്ചരിക്കുന്ന രണ്ടു പേർക്കും ഹെൽമെറ്റ്‌ ഇപ്പൊ നിർബന്ധമാണ്

ഹൊ….. കേരളം കൊള്ളാലോ….. അതൊക്കെ രാജസ്ഥാൻ…… നിയമം ഒക്കെ പേരിന് വേണ്ടി മാത്രം.

മഹി പറഞ്ഞതും റോസ്മേരി വേഗം തന്നെ സ്കൂട്ടിയിലേക്ക് ചാടി കയറി.

എന്നിട്ട് സ്കൂട്ടി ഓൺ ചെയ്ത് മുന്നോട്ട് പറപ്പിച്ചു.

മഹി ബാഗ് മടിയിലേക്ക് വച്ചു പിറകിൽ അഡ്ജസ്റ്റ് ചെയ്ത് ഇരുന്നു.

റോസ്മേരി നല്ല വേഗതയിൽ ആയിരുന്നു സ്കൂട്ടി ഓടിച്ചത്.

പത്തു മിനുട്ട് കൊണ്ടു അവർ റോസ്മേരിയുടെ വീട്ടിലേക്ക് എത്തി.

ഗേറ്റ് കടന്ന് വീടിന് മുന്നിലെത്തിയതും റോസ്മേരി സ്കൂട്ടി പയ്യെ നിർത്തി വച്ചു.

മഹി ആദ്യം സ്കൂട്ടിയിൽ നിന്നുമിറങ്ങി.

പിന്നാലെ റോസ്മേരിയും.

എന്നിട്ട് നേരെ വീടിന്റെ കാളിങ് ബെൽ അമർത്തി.

മഹി ചുറ്റും ഒന്ന് കണ്ണോടിച്ചു.