?കരിനാഗം 12?[ചാണക്യൻ] 413

മഹിയുടെ നക്ഷത്രകണ്ണുകൾ ഒരു വേള കണ്ടതും അവളുടെ കണ്ണുകൾ വിടർന്നു.

ആ പെൺകുട്ടിയുടെ വിടർന്ന കണ്ണുകൾ കണ്ടു മഹിക്കും ഞെട്ടലാണുണ്ടായത്.

കാരണം അത് നക്ഷത്രകണ്ണുകൾ ആയിരുന്നു.

അപ്പോഴേക്കും ആ പെൺകുട്ടിക്ക് വീണ്ടും ബോധം മറഞ്ഞിരുന്നു.

മഹി അവളെ താങ്ങിയെടുത്ത് ജീപ്പിന് പിന്നിൽ ഭദ്രമായി വച്ചു.

തിരിച്ചു ജീപ്പിൽ കേറാൻ നോക്കുമ്പോഴാണ് കാറിൽ നിന്നും വീണു കിടക്കുന്ന ഒരു പേഴ്സ് അവൻ കണ്ടത്.

തെല്ലോന്ന് ആലോചിച്ചു നിന്ന ശേഷം മഹി ഓടിപ്പോയി ആ പേഴ്സ് എടുത്തുകൊണ്ട് വന്നു.

ശേഷം ജീപ്പ് എടുത്തു അടുത്തുള്ള ഹോസ്പിറ്റൽ നോക്കി പാഞ്ഞു.

പോകുന്ന വഴിക്ക് ആളുകളോട് ചോദിച്ചു ചിറ്റൂർ ഹോസ്പിറ്റലിൽ എത്തിച്ച ശേഷം മഹി ജീപ്പ് പാർക്കിങ്ങിൽ കൊണ്ടു വന്നിട്ടു.

അവിടുന്ന് സെക്യൂരിറ്റിയോട് സ്‌ട്രചർ കൊണ്ടു വരാൻ ആവശ്യപ്പെട്ടു.

സ്ട്രച്ചർ കൊണ്ടു അറ്റെൻഡർ വന്നതും ആ പെൺകുട്ടിയെ അതിലേക്ക് കിടത്തിയിട്ട് നേരെ casuality ലേക്ക് പോയി.

അവിടെ ഡോക്ടറിനോട് വിവരങ്ങൾ ധരിപ്പിച്ച ശേഷം മഹി പുറത്തെക്കിറങ്ങി.

അപ്പോഴേക്കും ആ പെണ്ണിനെ ICU വിലേക്ക് ഷിഫ്റ്റ്‌ ചെയ്യാൻ ഡോക്ടർ നിർദ്ദേശിച്ചിരുന്നു.

ICU വിലേക്ക് ആ പെൺകുട്ടിയെ കൊണ്ടു പോകുന്നത് നോക്കി നിന്ന മഹിയുടെ ഉള്ളം ഒന്ന് പിടഞ്ഞു.

എന്തിന് വേണ്ടിയെന്ന് അറിയാതെ.

അവിടുന്ന് നേരെ പുറത്തേക്കിറങ്ങിയ മഹി ജീപ്പിന് സമീപം നടന്നു വന്നു.

എന്നിട്ട് അതിലേക്ക് കയറിയിരുന്നു.

ഇനി എന്ത് ചെയ്യുമെന്ന് യാതൊരു ഐഡിയയുമില്ലാതെ.

അപ്പോഴാണ് വരുന്ന വഴിക്ക് ആ കാറിന് സമീപം കിടന്ന പേഴ്സ് എടുത്തത് അവന് ഓർമ വന്നത്.

മഹി സീറ്റിന്റെ മുകളിൽ ഉള്ള പേഴ്സ് എടുത്തു തുറന്ന് നോക്കി.

കയ്യിൽ ആദ്യം തടഞ്ഞത് വില കൂടിയ ഐഫോൺ ആയിരുന്നു.

മഹി പ്രതീക്ഷയോടെ അതിന്റെ പവർ ബട്ടൺ ഞെക്കി.

നിരാശയായിരുന്നു ഫലം.

അത്‌ ലോക്ക്ഡ് ആയിരുന്നു.

മഹി വീണ്ടും പേഴ്സ് മുഴുവനായും അരിച്ചു പെറുക്കി.

അതിൽ നിന്നും ഒരു atm കാർഡും പിന്നെ 5000 രൂപയും കിട്ടി.

പിന്നെ ഒരു വിസിറ്റിംഗ് കാർഡ് ആയിരുന്നു.

SK എന്ന കമ്പനിയുടേത്.

പിന്നെ മഹിക്ക് കിട്ടിയത് ഒരു ഐഡി കാർഡ് ആയിരുന്നു.

അതിൽ ഉള്ള ഫോട്ടോയിലേക്ക് മഹി സൂക്ഷിച്ചു നോക്കി.

നേരത്തെ കണ്ട പെൺകുട്ടി തന്നെയാണെന്ന് മനസിലായി.

അതിൽ ആ പെൺകുട്ടിയുടെ പേര് ശരണ്യ K എന്നായിരുന്നു എഴുതിയിട്ടുള്ളത്.