?കരിനാഗം 12?[ചാണക്യൻ] 413

അപ്പോഴേക്കും ആദ്യം അടി കൊണ്ട അയാൾ മഹിയെ പുറകിൽ നിന്നും ചവിട്ടി വീഴ്ത്തിയിരുന്നു.

റോഡിലേക്ക് കൈ കുത്തി വീണ മഹി തിരിഞ്ഞു നോക്കിയതും കണ്ടത് വേറൊരുത്തൻ കയ്യിൽ കിട്ടിയ റാഡുമായി തനിക്ക് നേരെ ഓടിയെടുക്കുന്നതാണ്.

അത് കണ്ട മഹി അയാൾ ഓടിയടുത്തതും റോഡിൽ കിടന്ന് വട്ടം കറങ്ങി അയാളുടെ കാലിൽ തന്നെ തൊഴിച്ചു.

അപ്രതീക്ഷിതമായി കാലിന് ചവിട്ട് കിട്ടിയ അയാൾ നില തെറ്റി മൂക്കും കുത്തി വീണു.

അപ്പോഴേക്കും ചാടിയെണീറ്റ മഹി റോഡിൽ വീണു കിടക്കുന്ന റാഡ് എടുത്തു കയ്യിൽ പിടിച്ചു.

പൊടുന്നനെ പിന്നിൽ നിന്ന് നാലാമത്തവൻ മഹിയെ പൂണ്ടടക്കം പിടിച്ചു ഞെരിക്കാൻ തുടങ്ങി.

അയാളുടെ കൈപ്പിടിയിൽ പെട്ടു പോയ മഹി റാഡിന്റെ അറ്റംകൊണ്ടു അയാളുടെ വയറിൽ പ്രഹരിച്ചു.

വയറിൽ പ്രഹരം കൊണ്ട അയാളുടെ കൈ അയാഞ്ഞ നിമിഷം മഹി തിരിഞ്ഞ് നിന്ന് റാഡ് ശക്തിയിൽ വീശി.

ഠപ്

മുഖത്തു റാഡ് കൊണ്ടു അടിയേറ്റ അയാൾ ദൂരേക്ക് തെറിച്ചു വീണു.

അതുകണ്ടു ഭയന്ന ഒരുവൻ റോഡിനരികിൽ നിന്നും കിട്ടിയ കല്ല് എടുത്തു മഹിയെ നോക്കി ഉന്നം പിടിച്ച വേളയിൽ മഹി കയ്യിലുള്ള റാഡ് അയാളുടെ നേരെ തന്നെ എറിഞ്ഞു.

തലക്ക് ഏറു കൊണ്ട അയാൾ അലർച്ചയോടെ നിലത്തേക്ക് ഇരുന്നുപോയി.

അയാളുടെ മൂക്കിൽ നിന്നും ചോര റോഡിലേക്ക് ചീന്തി.

അതുകണ്ട് ഭയന്ന ബാക്കിയുള്ള രണ്ടുപേരിൽ ഒരുവൻ മഹിയെ നോക്കിക്കൊണ്ട് അലറി.

ടൂൾസ് എടുക്കെടാ

അയാൾ അലറിയതും മറ്റവൻ ജീപ്പിന്റെ പുറകിൽ പോയി രണ്ടു വാക്കത്തി എടുത്തുകൊണ്ടു വന്നു.

ഇന്നാ അണ്ണാ പിടി

കയ്യിലുള്ള വാക്കത്തി അയാൾ മറ്റവന് കൈ മാറി.

അവരുടെ കയ്യിൽ വാക്കത്തി എത്തിയതും മഹി ചുറ്റും നോക്കി.

പ്രതിരോധിക്കാൻ പോന്ന ഒന്നിനായി.

അപ്പോഴേക്കും അതിലൊരുവൻ കത്തിയും കൊണ്ടു മഹിക്ക് നേരെ ഓടിയെടുത്തു.

പിന്നാലെ മറ്റവനും.

ബെൻസിന്റെ പാതി ഇളകിയ ഡോർ വലിച്ചെടുത്ത് മഹി ആദ്യം ഓടി വന്നവനിട്ട് തന്നെ പ്രഹരിച്ചു.

പ്രഹരമേറ്റ ഉടൻ തന്നെ അയാൾ അലറിക്കൊണ്ട് നിലം പതിച്ചു.

പിന്നാലെ ഓടി വന്നവൻ കത്തി വീശിയതും ഡോർ കൊണ്ടു ബ്ലോക്ക്‌ ചെയ്ത് അയാളുടെ മുട്ടുകാൽ നോക്കി മഹി ആഞ്ഞു ചവിട്ടി.

മുട്ടു ഒടിഞ്ഞു താഴെ വീണ അയാളുടെ തല നോക്കി വീണ്ടുമൊരു പ്രഹരം കൂടി മഹി കൊടുത്തപ്പോഴേക്കും അയാളും നിലം പതിച്ചിരുന്നു.

എല്ലാവരും വീണുവെന്ന് ഉറപ്പ് വരുത്തിക്കൊണ്ട് മഹി കയ്യിലുള്ള ഡോർ വലിച്ചെറിഞ്ഞ ശേഷം ആ പെൺകുട്ടിക്ക് നേരെ നടന്നടുത്തു.

ഇതിനിടയിൽ എപ്പോഴോ ബോധം തിരിച്ചു കിട്ടിയ ആ പെൺകുട്ടി പയ്യെ കണ്ണുകൾ തുറന്ന് ചുറ്റും നോക്കി.

അപ്പോഴാണ് ഏതോ ഒരു അപരിചിതൻ തന്നെ ആക്രമിക്കാൻ വന്നവരെ പ്രഹരിക്കുന്നത് അവൾ കണ്ടത്.

മഹി അവൾക്ക് സമീപം നടന്നടുക്കുന്നത് കണ്ട അവൾ ഭയന്ന് എഴുന്നേറ്റ് ഓടാൻ നോക്കി.

പക്ഷെ സാധിച്ചില്ല.

അപ്പോഴേക്കും അവൾ നന്നേ ക്ഷീണിച്ചിരുന്നു.

പാതി അടഞ്ഞു പോകുന്ന കൺപോളകളെ വലിച്ചു തുറന്നുകൊണ്ട് അവൾ നോക്കി.

അപ്പോഴേക്കും മഹി അവൾക്ക് സമീപം വന്നു അവളുടെ തലയെടുത്ത് മടിയിലേക്ക് വച്ചിരുന്നു.

ഹേയ്….. കുഴപ്പമൊന്നുമില്ലലോ…… താൻ ഓക്കേ അല്ലെ….. എന്താ പേര്?

മഹി അവളുടെ അടഞ്ഞു പോകുന്ന കണ്ണുകളിലേക്ക് തന്നെ ഉറ്റു നോക്കി.

അവൾ അവസാനമായി അവനെ ഒന്നു കൂടി നോക്കി.