?കരിനാഗം 12?

Author : ചാണക്യൻ

[ Previous Part ]

 

(കഥ ഇതുവരെ)

ഏതോ ഒരു ട്രെയിനിന്റെ ചൂളം വിളി കേട്ടാണ് മഹി ഉറക്കത്തിൽ നിന്നും എണീറ്റത്.

പുതപ്പ് മാറ്റി വച്ചു അവൻ തല വെളിയിലേക്ക് ഇട്ടു.

പുറപ്പെടാൻ തയാറായി നിൽക്കുന്ന ഒരു ട്രെയിൻ

അതിലേക്ക് കയറാനായി കൂടി നിൽക്കുന്ന ആളുകൾ.

മഹി ഇടതു വശത്തേക്ക് നോക്കി.

അവിടെ ക്ലോക്കിൽ 6 മണി ആയിരിക്കുന്നു.

അവൻ പതിയെ എഴുന്നേറ്റ് പുതപ്പ് മടക്കി ബാഗിൽ വച്ചു.

ശേഷം പൈപ്പിന് സമീപം പോയി വായും മുഖവും കഴുകി.

അവിടുന്ന് നേരെ ബസ്റ്റാൻഡിലേക് വച്ചു പിടിച്ചു.

ഷൊർണുർ സ്റ്റാൻഡിൽ എത്തിയ മഹി ഒന്നും മനസിലാവാതെ ചുറ്റും നോക്കി.

തലങ്ങും വിലങ്ങും പായുന്ന വാഹനങ്ങൾ.

അവയ്ക്കിടയിലൂടെ ഉറുമ്പുകൾ പോലെ ഒഴുകി നടക്കുന്ന ജനങ്ങൾ.

മഹി അവിടെ കണ്ട ടെലിഫോൺ ബൂത്തിൽ കയറി റോസ്മേരിയുടെ നമ്പർ ഡയൽ ചെയ്തു.

രണ്ടു റിംഗ് കഴിഞ്ഞതും അവിടെ ഫോൺ എടുത്തു.

ആപ് കൈസി ഹേ റോസ്മേരി മാഡം.

ഡാ മഹീ…………റോസ്മേരി സന്തോഷത്തോടെ അലറി വിളിച്ചു.

ഇതേതാടാ നമ്പർ

അവൾ അതിശയത്തോടെ ചോദിച്ചു.

ഓഹ് ഇതോ…. ഇത് ഷൊർണുർ സ്റ്റാൻഡിലുള്ള നമ്പറാ

ഡാ നീയെപ്പോഴാ ഇവിടെ ലാൻഡ് ആയെ…. നിനക്ക് ഞാൻ മറ്റന്നാളത്തേക്കുള്ള ടിക്കറ്റ് അല്ലെ അയച്ചേ

റോസ്മേരി ചിന്തിതയായി.

അതൊക്കെ വഴിയേ പറയാം മാഡം…. ആദ്യം എന്നെ ഇവിടുന്നൊന്ന് രക്ഷപെടുത്ത്.

പറഞ്ഞ പോലെ അത്‌ വിട്ടുപോയി…. നീ ഇപ്പൊ എവിടാ ഉള്ളെ

ഞാൻ സ്റ്റാൻഡിൽ ഉണ്ട്…. ഒരു ഹോട്ടൽ ഉണ്ട് അവിടെ കാണും….

ഓക്കേ മാൻ…..ജസ്റ്റ്‌ ഹാഫ് ആൻ അവർ ഞാൻ അവിടുന്ന് നിന്നെ ഡ്രോപ്പ് ചെയ്യാം…… നിന്റെ ഫോൺ എവിടെ.

അതൊക്കെ പൊട്ടിപ്പോയില്ലേ.

ഹ്മ്മ് ഓക്കേ….

റോസ്മേരി കാൾ കട്ട്‌ ചെയ്തു.

മഹി ആ ഹോട്ടലിന് മുന്നിലുള്ള ഇരിപ്പീഡത്തിൽ വന്നിരുന്നു.

ആകെ ഒരു ശോകം പോലെ.

റോസ്മേരിയുടെ വരവിനായി അവൻ കാത്തിരുന്നു.

(തുടരുന്നു)

ഷൊർണുർ സ്റ്റാൻഡിലെ ഹോട്ടലിൽ നിന്നും ചായ കുടിക്കവെ പൊടുന്നനെ തോളിൽ ഒരു കരതലം പതിഞ്ഞതും മഹി ഞെട്ടലോടെ തല തിരിച്ചു നോക്കി.

റോസ്മേരി

മഹാദേവ് ആശ്വാസത്തോടെ മൊഴിഞ്ഞു.

അവൻ ചാടിയെഴുന്നേറ്റപ്പോഴേക്കും റോസ്മേരി അവനെ വാരി പുണർന്നിരുന്നു.

എത്ര നാളായടാ തമ്മിൽ കണ്ടിട്ട്……. അല്ലെ?