?അഭിമന്യു 2?[ [Teetotaller] ] 219

 

ആ നിമിഷം വിജയ്ക്ക് പോലും ശ്വാസമെടുക്കാൻ മറന്നു പോയി….. തങ്ങൾ വര്ഷങ്ങളോളം തേടി നടന്ന രഹസ്യങ്ങളിൽ ഒന്നു ……

 

” അപ്പൊ അവരുടെ വിജയരഹസ്യവും അത് തന്നെ ആയിരുന്നു അല്ലെ ഇക്ക….. “

 

” അതല്ലേ കൊച്ചനെ മ്മള് ആദ്യം പറഞ്ഞേ ഈതീസ് വംശ്മാണ് അവര്ന്ന്……  ഇന്ദ്രപ്രസ്ഥം അവരുടെ തായ് വീട് , മൂലകേന്ദ്രം എന്നൊക്കെ വേണേൽ പറയാം ഇവരുടെ വേരുകൾ പലതും കേരളത്തിലും തമിഴ് നാട്ടിലും പല പേരിൽ ആയി ജീവിച്ചു പോവുന്നു…… , മ്മേടെ രാജ്യത്തെ  ആകെയുള്ള 4 ഈതീസ് കുടുംബങ്ങളിൽ അവസാനത്തേത് …..

ബാക്കി മ്മ്ള് പറയണ്ടല്ലോ മനുഷ്യരെ പോലെ ആണേലും അവർക്ക് ബുദ്ധികൂർമതയും എല്ലുമിടുക്കും വേഗതയും കൃത്യതയുമെല്ലാം കൂടും ……

പിന്നെ കർമ്മങ്ങളെ കുറിച്ചൊന്നും ഞാൻ പറയുന്നില്ല എന്നാലും ബാക്കി ഈതീസ്ക്കാരെ പോലെ 7 വർഷത്തിൽ ഒരിക്കൽ ഇവരെല്ലാം ഒത്തു കൂടും അന്നത്തെ ദിവസം ബാക്കി ചടങ്ങുകൾ ഒകെ ഉണ്ടാവും….. “

 

” മ്മ്….. അപ്പൊ പാതി ചരിത്രം കണ്മുന്നിലുണ്ട്…. ഇനി വർത്തമാനകാലത്തെ കുറിച്ച് അറിയണം  ഇക്ക….. ഇപ്പോഴത്തെ ഇന്ദ്രപ്രസ്ഥത്തെ കുറിച്ച് അറിയണം….. ആ കൂട്ടത്തിൽ അവൻ ഉണ്ടോ എന്ന് അറിയണം ചെകുത്താനാൽ തിരെഞ്ഞെടുക്കപെട്ടവൻ ★ ഈതീസ്  സാമയേൽ ★…… “

 

ആ പേര് കേട്ടതും അബ്‌ദുള്ളയുടെ കണ്ണുകൾ ചുരുങ്ങി….. 

 

 “നേരം ഇരുട്ടിയിക്കണ് കൊച്ചനെ , മോൻ പോയി ഈ ബെഷം ഒകെ ഒന്ന് മാറ്റി ബാ…. മ്മള് പള്ള നിറക്കാൻ എന്തെലും കൊണ്ടു വരാം….. ബാക്കി ചരിത്രം അത് കഴിഞ്ഞു മ്മള് പറഞ്ഞു തരാം…… “

 

” ആ അത് ശെരിയാ ഇക്ക…. നല്ല ക്ഷീണം ഒന്ന് കെടക്കേം വേണം…… “

 

” ആ എന്നാ മോൻ പോയി കുളിക്കാൻ നോക്ക്….. ” അതും പറഞ്ഞു  അബ്‌ദുള്ള പതിയെ അടുക്കളഭാഗത്തേക്ക് നടന്നു….

 

” അല്ല ഇക്ക….. അതേ…. ഒരു കാര്യം കൂടി നിങ്ങൾ എന്താ ഇത്രേം കാലം ആയും പിന്നെ തിരികെ പോവാഞ്ഞെ…? “

 

അത് കേട്ടതും അബ്‌ദുള്ള അടുക്കളയിലേക്ക് വെച്ച കാൽ നിശ്ചലമാക്കി ഒരു നിമിഷം നിന്നു….

 

” ഒരുവട്ടം ഇന്ദ്രപ്രസ്ഥം താണ്ടിയ പിന്നെയൊരു തിരിച്ചു പോക്ക് ഇല്ല വിജയ് …. അതിന് ഈ മണ്ണ് സമ്മയിക്കൂല്ല ….. അതും മ്മള് തേടി വന്ന ഒരു രഹസ്യാ…… “

 

അത്രയും നിർവികാരമായി പറഞ്ഞു അബ്‌ദുള്ള അടുക്കളയിലേക്ക് പോയി… 

എന്നാൽ അതു കേട്ടതും  വിജക്ക് ഒരുനിമിഷം എന്തു പറയണം എന്നറിയാതെ വാക്കുകൾക്ക് വേണ്ടി സ്വയം പതറി പോയി…..