?അഭിമന്യു?5 [Teetotaller] 362

” തേവുണ്ണി അജണ്ട വായിക്കാൻ തറവാട്ടിലെ ആരേലും ഏല്പിക്കണോ എഴുതിയത് കാർത്തിമോനല്ലെ അപ്പൊ വായിക്കാൻ ഇശ്ശി ബുദ്ധിമുട്ടാകും…. ”

തേവുണ്ണിയെ നോക്കി നന്നായൊന്നു ചിരിച്ചു കൊണ്ടു മഹേന്ദ്രൻ കാലിനുമേൽ കാൽ കയറ്റിയിരുന്നു….

 

 

” മഹികുഞ്ഞേ അതിന്റെയൊന്നും ആവിശ്യമിനിയില്ലന്നെ ചിറക്കലെ കുഞ്ഞമ്പുന്റെ മോൻ കൃഷ്ണന് MA ക്ക് ഒന്നാം റാങ്കാ… നന്നായി വായിക്കും അല്ലെ കൃഷ്ണാ…. ”

മഹേന്ദ്രന്റെ ചിരിയിലെ പുച്ഛം മനസിലായ തേവുണ്ണിയാശാൻ കൃഷ്ണനെ നോക്കി അഭിമാനത്തോടെ അടുത്തേക്ക് വിളിച്ചു….

 

 

” കൃഷ്ണ മുഴുവനൊന്നും വായിക്കണ്ടാ….. എല്ലാം എല്ലാർക്കും അറിയാലോ അപ്പൊ നീ അതിന്റെ ശാരാംശം ഒന്നു പറഞ്ഞാ മതി കേട്ടാലോ…..”

ഗൗരവത്തോടെ മഹാദേവന്റെ ശബ്ദം ഉയർന്നു….

 

”

ചിത്രഗുപ്തമലനിരകളുടെ തെക്ക് ഭാഗവും സരസ്വതീ നദിതീരത്തിന്റെ വലത് ഭാഗവും ചേർന്ന നാനൂറേക്കർ നാട്ട്യാർ വനഭൂമിയും കൃഷിസ്ഥലങ്ങളും ഉൾപ്പടെ , ഇന്ദ്രപ്രസ്ഥത്തിലെ മഹേന്ദ്രൻ മകൻ ആദിത്യനാഥിന്റെ പേരിൽ തീറായി എഴുതികൊടുക്കാൻ വേണ്ടി കഴിഞ്ഞ ചന്ദ്രദശമിക്ക് സമർപ്പിച്ച അപേക്ഷയിൻ മേൽലുള്ള അവസാനഘട്ട ചർച്ച പൂയം നാളിൽ സൂര്യോദയം മുതൽ നടത്തപ്പെടുന്നു….”

 

 

അത്രയും പറഞ്ഞു കൃഷ്ണൻ ഒരു വശത്തേക്ക് മാറിനിന്നു…..

 

 

“അപ്പൊ ചർച്ച ആരംഭിക്കാം…. എതിർപ്പ് ഉള്ളോരൊക്കെ ഒരുതരായി പറഞ്ഞോള്ളു…..”

ഗൗരവവും സൗമ്യതയും നിറഞ്ഞ സ്വരത്തിൽ മഹാദേവൻ എല്ലാവരെയും നോക്കി….

 

 

 

ആദ്യമൊന്നു നിശബ്ദമായെങ്കിലും പതിയെ അവിടെ മുറുമുറുപ്പുകൾ ഉയർന്നു….

 

 

” ഞാൻ മഹികുഞ്ഞിന്റെ കൂടെയാ …. മ്മളെ നാട്ടിൽ കൊറച്ചു വികസനം വരുന്നത് നല്ലത് അല്ലെ…. സരസ്വതീ നദിലെ വെള്ളം കെട്ടിനിർത്തിയാ മ്മക്ക് കൃഷിക്കൊക്കെ കൂടുതൽ വെള്ളോം കിട്ടും പോരാതെന്ന് നല്ലൊരു പാലവും ഇതൊക്കെ നമ്മുക്ക് വേണ്ടി അല്ലെ അല്ലെ കുമാരാ…”

തൊട്ടടുത്തിരുന്ന കുമാരന്റെ തോളിൽ തട്ടി കൊണ്ട് ഇടംകണ്ണുകൊണ്ടു കേശവൻ എന്തോ കാണിച്ചു