🔥അഭിമന്യു🔥5 [Teetotaller] 361

കാളി … കാളിദാസ് … നേത്രയുടെ കണ്ണേട്ടൻ

അവളുടെ രണ്ടാത്തെ പുന്നാര ചേട്ടൻ…. എന്നും തന്റെ ഒപ്പം നിന്നിട്ടുള്ള കളിക്കൂട്ടുകാരൻ…. അങ്ങനെ പറഞ്ഞാ പോരാ ജീവൻ തന്നെയാണ്…

ഈ കോളേജിന്റെ ഓൾ ഇൻ ഓൾ എന്നു വേണേൽ പറയാം അല്ലേൽ ചെയർപേഴ്സൻ എന്നും വിളിക്കാം കാളിയെ അല്ല അങ്ങനെ പറഞ്ഞാ പോര ഇന്ദ്രപ്രസ്ഥത്തിന്റെ കീഴിൽ ഉള്ള കോളേജുകളും സ്കൂളുകളും എല്ലാം നോക്കി നടത്തുന്നത്‌ കാളിയുടെ അച്ഛനും ചേട്ടൻ കാർത്തിയുമെല്ലാം കൂടിയാണ്….

നേത്ര ഇവിടെ ഇക്‌ണോമിക്‌സ് ഡിപ്പാർട്ട്‌മെന്റ്ൽ ലക്ചറർ ആയി കയറിയിട്ട് ഒരാഴ്ചയായി… കുഞ്ഞുനാൽ മുതൽ അവളുടെ ആഗ്രഹം തന്നെയായിരുന്നു ടീച്ചിങ്‌ ഫീൽഡ് എന്നത്….

 

 

 

എന്താല്ലാമോ ആലോചിച്ചുകൊണ്ട് മനു ആ കോളേജ് വരാന്തയിലൂടെ സ്റ്റാഫ് റൂം ലക്ഷ്യമാക്കി നടന്നു…

ഇടവഴിയിലും മരങ്ങളിലും തൂണിലുമെല്ലാം തോരണങ്ങളും കൊടികളും അലങ്കരങ്ങളുമെല്ലാം കാറ്റിൽ പാറിപ്പറക്കുന്നു…. പലരും അങ്ങിങ്ങായി സൊറപറഞ്ഞിരിക്കുന്നു പ്രണയജോടികൾ എല്ലാം അവരുടെ ലോകത്ത് എന്ന പോലെ ഇരിക്കുന്നുണ്ട്….

കോളേജ് തുറന്നിട്ട് ഒരാഴ്ചയായിരിക്കുന്നു… മുത്തശ്ശൻ ഇന്ന് ഈ കാര്യം പറഞ്ഞപ്പോ വിശ്വസിക്കാൻ കഴിഞ്ഞില്ല….. ഇവിടേക്ക് വരാൻ അത്ര വലിയ താല്പര്യമൊന്നും തനിക്ക് ഉണ്ടായിരുന്നില്ല… ജീവനും ജീവശ്വാസവും ഇന്ദ്രപ്രസ്ഥത്തിൽ തന്നെയാണ്… പിന്നെ മുത്തശ്ശൻ പറഞ്ഞാൽ കേൾക്കാതിരിക്കാൻ പറ്റോ , മാത്രമല്ല ഇവിടെ വന്ന അന്ന് തന്നെ നേത്രക്ക് നേരെ എന്തോ ആക്രമണം ഉണ്ടായി മുടിനാരിഴക്കാണ് അന്നവൾ രക്ഷപ്പെട്ടത് ഇനിയും എന്തൊക്കെയോ അപകടമുണ്ടാവാൻ ചാൻസ് ഉണ്ടെന്ന് പറഞ്ഞപ്പോ പിന്നെ തറവാട്ടിൽ നിൽക്കാൻ തോന്നിയില്ല….

 

 

വീണ്ടും ക്യാംപസ് മുഴുവൻ ഒന്നു കണ്ണോടിച്ചു സ്റ്റാഫ് റൂമിൽ എത്തി എല്ലാവരേയും ഒന്ന് പരിചയപെട്ടു , നേരെ ക്ലാസ്സിലേക്ക് നടന്നു …. B sc Physics 1st Dc…..

നാല്പത്തിനു അടുത്ത് കുട്ടികൾ ഉണ്ടെന്ന് തോന്നുന്നു ,കാലകേയരൂടെ ഭാഷയിൽ പ്രപഞ്ചത്തെ കുറിച്ചു വാചാലനാവുന്ന പ്രൊഫസനെ തനിലേക്ക് ക്ഷണിച്ചു…

 

 

“ആരാ എന്തു വേണം…?”

ഗൗരവത്തിൽ ആയിരുന്നു ആ ശബ്ദം….

 

 

” ഞാൻ അഭിമന്യു new ജോയ്‌നിംഗ് ആണ് സർ…”

 

 

“ആഹാ വളരെ നേരത്തെയാലോ വരവ് ഇപ്പോഴാവും ഇവിടേക്ക് ഉള്ള വഴികണ്ടുപിടിച്ചത് അല്ലെ…? ”

 

 

പറയാൻ കണ്ടുവെച്ച കള്ളം കൺ മുന്നിൽ പൊട്ടിവിരിഞ്ഞത് കണ്ടപ്പോൾ ആളെ നോക്കി ഒന്നു ഇളിച്ചു കാട്ടി….