?അഭിമന്യു?5 [Teetotaller] 362

 

അടുത്ത കസേരയിൽ ഇടിഞ്ഞു വളഞ്ഞിരിക്കുന്നതാണ് മഹാദേവന്റെ അനിയൻ ജയശങ്കരൻ….

 

ഇതിപ്പോ ആ കെളവനെ കണ്ടാ കാർന്നൊരുടെ അച്ഛനാന്നു പറയുളൂ

 

അടുത്ത മൂന്ന് കസേരയിൽ ഇരിക്കുന്നത്തിൽ രണ്ടു പേർ മഹാദേവന്റെ മക്കൾ ചന്ദ്രസേനനും രുദ്രശേഖരനും പിന്നൊരാൾ ജയശങ്കരന്റെ ഒരേയൊരു മകൻ മഹേന്ദ്രനും….

ബാക്കി അവരുടെ പിന്നിൽ നിൽക്കുന്നതൊക്കെ ബാക്കി അവരുടെ സന്തതിപരമ്പരകളിൽ കുറച്ച് പേർ സൂര്യസേനൻ , കാർത്തിക്ക് , ആദിത്യനാഥ്‌…. ”

 

” ഇതിപ്പോ ഒരുപാട് പേരുണ്ടല്ലോ സേവ്യറെ…

അല്ല മൊത്തം ഒൻപത് പേരെന്ന് അല്ലെ പറഞ്ഞേ ആകെ എട്ട് കസേരയും… പിന്നെയാരാ ആ ഒൻപതാമൻ…. ”

 

 

” ആ ഒരാൾ കൂടി ഉണ്ട് …..”

 

സേവ്യർ പറഞ്ഞു തുടങ്ങും മുമ്പ് നാട്ടുകൂട്ടത്തിൽ നിന്നും ശബ്ദരാവങ്ങൾ ഉയർന്നു….

 

 

 

*************************

 

 

 

” കാര്യ കാരണങ്ങൾ ഒന്നും തന്നെ താൻ വീണ്ടും പറയുന്നില്ല….

പുലര്കാലത്ത് കൂടിയ ഈ നാട്ടുകൂട്ടത്തിന്റെ പ്രധാന അജണ്ട നൽകിയത്‌ മഹേന്ദ്രൻ കുഞ്ഞും മകൻ ആദിത്യനാഥുമാണ്….

ഈ വിഷയത്തിൽ ഇന്നത്തെ നാട്ടുകൂട്ടത്തിൽ തന്നെ അവസാനമായി തീർപ്പാക്കുമെന്ന് അറിയിക്കുന്നു…. ”

അതും പറഞ്ഞു ഗ്രാമമുഖ്യൻ തേവുണ്ണി തന്റെ അടുത്തിരുന്ന അജണ്ടഎഴുതിയ പേപ്പറുകൾ ഒതുക്കിയെടുത്തു….