?അഭിമന്യു?5 [Teetotaller] 362

” എന്റെ അബ്‍ദുക്കാ ഇങ്ങള് ഈ ലോകതോന്നല്ലേ ഇന്നലെ അല്ലെ മ്മ്‌ടെ മെമ്പർ വാപൊളിയും പോലെ ഓരോന്ന് അലറിവിളിച്ചു പറഞ്ഞേർന്നെ….

വേഗം വായോ നാട്ടുകൂട്ടം തുടങ്ങി കാണും…. ”

 

” ഇജ്ജ് അവിടെ നിക്ക് മ്മള് ഈ മുണ്ടൊന്ന് മുറുക്കട്ടെന്ന്… ”

അതും പറഞ്ഞു അഴയിൽ കിടന്നിരുന്നൊരു കുപ്പായവും എടുത്തിട്ട് മുണ്ടും മുറുക്കി അബ്‌ദുള്ള വീടിനു പുറത്തേക്ക് ഇറങ്ങി….

 

” ആ പോണത് ദാസനും സഹദേവനും അല്ലെ നാരായണാ…കൂടെ ആരാ പുതിയൊരു അവതാരം….. ”

 

 

” അതാരാപ്പാ ഒരുവരത്തൻ അതും നമ്മടെ നാട്ടിൽ…”

രണ്ടുപേരും കഷ്ട്ടംവെച്ചു നടന്നു വേഗത്തിൽ തങ്ങളുടെ മുന്നിൽ പോകുന്നവരുടെ കൂടെയെത്തി….

 

 

” ഹാ നാരായണാ… നീ ന്താ നേരംവൈകിയാ അല്ലെങ്കിൽ നാട്ടുകൂട്ടം എന്ന് പറഞ്ഞാൽ

തലപൊളിക്കണ ആളാലോ….”

 

” ന്റെ സഹാദേവേട്ടാ… ഇന്നലെ ഇന്ദ്രപ്രസ്ഥത്തിൽ ആർന്നു പണി… പുലർച്ചയായപ്പോഴാ ഒന്നു നടുന്നിവർത്താൻ പറ്റിയേ… ഇന്നലെ ആണേൽ ആ കാലമടൻ കൈമളുമായൊന്നു ഉടക്കി… അതിന്റെ ചോരുക്ക് വേറെ…”

ഈർഷയോടെ അതും പറഞ്ഞു തന്റെ അരയിൽ കെട്ടിയ തോർത്തിൽ നാരായണൻ കൈമുറുക്കി …

 

 

” ഓ ഇയാൾടെ ചൊറിച്ചിൽ ഇതുവരെ തീർന്നില്ലേ… ”

 

” അതിന് ഇനി അയാളെ തെക്കോട്ട് എടുത്താലും ആ ചൊറിച്ചിൽ പോവുല്ല ദാസാ…. നീ കെട്ടിട്ടിലെ ചൊട്ടയിലെ ശീലം ചുടലവരെന്ന്….”

 

 

” അല്ല ഇതാര സഹാദേവാ അന്റെ കൂടെ ഒരു പയ്യൻ…”

 

 

” ആ അബ്‍ദുക്കാ ഇതിമ്മടെ മഹികുഞ്ഞിന്റെ കൂടെ വന്നതാ ഉത്സവം അല്ലെ വരുന്നത് കമ്പകെട്ടിനു പുത്തൻ മരുന്നു കയ്യിൽ ഉണ്ടെന്നാ പറഞ്ഞേ….

തന്റെ അടുത്തു നിന്നിരുന്ന ” ആരോഗ്യവാനായ പയ്യനെ മുറകെ പിടിച്ചു സഹദേവൻ പറഞ്ഞു….