?അഭിമന്യു?5 [Teetotaller] 362

” അത് അത് അങ്ങുന്നെ … മനുകുട്ടൻ വരാമെന്ന് പറഞ്ഞിരുന്നു…. സമയം ഇത്രയിട്ടും എവിട്യന്നൊരു നിശ്ചയില്ല്യ….”

 

 

കൂട്ടത്തിൽ നിന്നും രാമൻ എഴുന്നേറ്റ് നിന്നു വിനയത്തോടെ പറഞ്ഞു….

 

 

“മനുകുട്ടൻ ഇല്ലാതെ ങ്ങന്യാ ദേവൻ കുഞ്ഞേ…. ചെറുക്കനും കൂടി ഇങ്ങു വരട്ടെ…”

തെന്നി തെറിച്ച വാക്കുകൾകൊണ്ട് മഹാദേവന് അരികിലിരുന്ന പേറ്റശ്ശി പതിയെ പറഞ്ഞു….

 

പേറ്റശ്ശിയെ നോക്കിയൊന്ന് ചിരിച്ച് മഹാദേവൻ ഒന്നു കണ്ണടച്ചു തുറന്നു…

 

 

” മ്മ് ….അപ്പൊ അങ്ങനെ ചെയാം അല്ലെ തേവുണ്ണി…. ”

 

 

തന്റെ സ്വർണഫ്രെയിം ഉള്ള കണ്ണട ഊരി തുടച്ചുകൊണ്ടു മഹാദേവൻ പറഞ്ഞു….

 

 

കാര്യം മനസിലായെന്ന പോൽ തേവുണ്ണി പല്ലുകൊഴിഞ്ഞ മോണ കാട്ടി ഹൃദയം നിറഞൊരു ചിരി സമ്മാനിച്ചു…..

 

 

” അഭിമന്യു വന്നിട്ടെ ബാക്കി തീരുമാനവും ചർച്ചയും…. വെയിൽകായും മുമ്പേ തന്നെ നാട്ടുകൂട്ടം വീണ്ടും ചേരുന്നതാണ്…. ”

 

 

അതും പറഞ്ഞു തേവുണ്ണി കൃഷ്ണനെ നോക്കി പതിയെ ആൽത്തറയിലേക്ക് ചാഞ്ഞു….

 

 

അഭിമന്യു ആ പേരു പലരും ആരാധനയോടെയും ആശ്വാസത്തോടെയും ഓർത്തപ്പോൾ പലകണ്ണുകളിലും പകയും അസൂയയുടെയും നെരിപോടായിരുന്നു ….

മഹേന്ദ്രനും ശേഖരനും ആ തീരുമാനത്തിൽ വൈമുഖ്യം പ്രകടിപ്പിച്ചു പിറുപിറുത്തു കൊണ്ട് ഭൈരവക്ഷേത്രം ലക്ഷ്യമാക്കി നടന്നു……

ഇന്നിതിപ്പോ തീരുമാനം ആയെങ്കിൽ ഉച്ചക്കത്തെ ഫ്ലൈറ്റിൽ പോയി ആ us കമ്പനിയുമായി കരാറിൽ ഒപ്പുവെക്കാർന്നു….. അതൊരു തീരുമാനമായി….