?അഭിമന്യു? 3[ Teetotaller] 193

 

മോശം റോഡും കാലാവസ്ഥയും കാറിന്റെ വേഗതയെ പിന്നോട്ട് വലിച്ചു….. വലതു ഭാഗത്തു കൂടി overtake ചെയ്തു കേറിയ സ്കോറിപിയോകളിൽ ഒന്നു കാറിന്റെ വലതു ഭാഗത്ത് വന്നു ശക്തമായി ഇടിച്ച്കയറ്റി….. ഭും…

 

നിയന്ത്രണം തെറ്റിയ കാർ ഇടതുഭാഗത്തെക്ക് തിരിഞ്ഞു , റോഡ് സൈഡ്ലെ  മതിൽകെട്ട് തകർത്തു ഉള്ളിലേക്ക് കയറി ……

 

അതൊരു വലിയ ഗോഡൗൻ ആയിരുന്നു , ഇന്ത്യയിൽ ഉടനീളം അരി കയറ്റുമതി ചെയുന്ന ശക്തിവേൽ എന്റർപ്രൈസസിന്റെ സാമ്രാജ്യത്തിന്റെ ഒരു ഭാഗമായിരുന്നു അത് ….. ചുറ്റും ഒരുപാട് ലോറികൾ പാർക്ക് ചെയ്തിട്ടുണ്ട് , പ്രകാശത്തിന്റെ നേരിയ കണിക മാത്രമേ അവിടെ ഉണ്ടായിരുന്നുള്ളു…. അവർക്ക് കൂട്ട് ആ നിമിഷം അങ്ങു ദൂരെ നിലാവ് പൊഴിച്ചുകൊണ്ട് അവൻ മാത്രമേ ഉണ്ടായിരുന്നുള്ളൂ….

 

അവരുടെ കാര് ആ ഗോഡൗണ്നു മുന്നിലെ ചാരക്കുകൾക്കിടയിലേക്ക് ഇടിച്ചു കയറി ….

ഏതാനും നിമിഷം അവിടെ ഒരു നിശബ്ദത പരന്നു….. 

 

കണ്ണുതുറന്ന മഹാദേവന് യാഥാർത്ഥ്യത്തിലേക്ക് എത്താൻ ഏതാനും നിമിഷങ്ങലെടുത്തു….. 

വേദനയാൽ ഞെരിങ്ങിയ ആ വൃദ്ധൻ പതിയെ സ്വാമിനാഥനും രാമനും വേണ്ടി കണ്ണോടിച്ചു….

 

സ്വാമിനാഥനെ കാണാൻ ഇല്ല….. ആ ഭാഗത്തെ സീറ്റ് ഒഴിഞ്ഞു കിടക്കുന്നു….

ഇടിയുടെ ആഘാതത്തിൽ രാമന്റെ  തല ഇടിച്ചു സ്റ്റിയറിംങ്ങിൽ ബോധം നഷ്ട്ടപെട്ടു കിടക്കുന്നു….. നെറ്റിയിൽ നിന്നും ചോരയൊലിച്ചു സ്റ്റിയറിങ്ങിലൂടെ നിലത്തേക്ക് പതിക്കുന്നുണ്ട്….

 

” രാമാ….. രാമാ……കഹ്.. ഇഹ്..  “

മഹാദേവൻ രാമനെ തട്ടി വിളിച്ചു നോക്കിയെങ്കിലും ബോധം നഷ്ടപെട്ടവസ്ഥയിൽ തന്നെയിരുന്നു അയാൾ…..

 

പെട്ടെന്നാണ് പുറത്ത് നിന്നും ഒരു ശബ്ദം കേട്ടത്……

 

പതിയെ ഏന്തി വലിഞ്ഞു ആ വൃദ്ധൻ കാറിൽ നിന്നും ഇറങ്ങി പുറകിലേക്ക് നോക്കി…..

 

 

” ചേട്ടന്മാരെ നിങ്ങൾ എന്നാ വന്ന കാര്യം ചെയ്താട്ടെ ….. ഞാൻ ഇവിടെ ഇരുന്നു കളി കാണാം…… “

അതും പറഞ്ഞു സേവ്യർ കാറിൽ ഇരുന്നു……ബാക്കി ആ സ്‌കോർപിയോയിൽ നിന്നും മൂന്നും പിറകിലെ കാറിൽ നിന്നും ആറുപേരും പുറത്തിറങ്ങി….

 

കാറിൽ അമർത്തി പിടിച്ച് മഹാദേവൻ അവരെ നോക്കി….. ഒരുനിമിഷം അയാൾ ഞെട്ടിതരിച്ചു നിന്നു പോയി …

 

ഒമ്പതോളം വരുന്ന അതിശക്തരായി തോന്നിപ്പിക്കുന്ന ഗുണ്ടകൾക്ക് നടുവിൽ

സ്വാമിനാഥൻ……!  അവരിൽ മുന്നിൽനിൽക്കുന്ന ഒരാളുടെ കയ്യിൽ ജീവന് വേണ്ടി പിടക്കുന്നു…. എല്ലാരുടെയും കണ്ണുകളിൽ പൈശാചിക നിറഞ്ഞു നിൽക്കുന്നു…. മുന്നിൽ നിൽക്കുന്ന ജടപിടിച്ച മുടികളോട് കൂടിയ ഭീമാകാരനായ ആളുടെ മുഖത്ത് ക്രൂരതയുടെ അടയാളങ്ങൾ തെളിഞ്ഞു കാണുന്നു….

 

” അയ്യോ അവനെ  ഒന്നും ചെയ്യരുത്….. സ്വാമിനാഥാ…..”

 

” ശൂ…മിണ്ടാതിരിക്ക് കിളവാ ഇത് അധികസമയം കാണില്ല…..”

 സ്വാമിനാഥന്റെ കഴുത്തു ഞെരിച്ചുകൊണ്ടിരുന്ന ആ കൂട്ടത്തിന്റെ നേതാവെന്ന് തോന്നിപ്പിക്കുന്ന  ആൾ ഉറച്ച ശബ്ദത്തിൽ അലറി….( തെലുങ്ക് ആണ് അത് മലയാളത്തിൽ )