?DEATH NOTE ? [സാത്താൻ] 55

ശരി സർ.

 

അയാൾ വണ്ടി എടുക്കാൻ നോക്കിയതും കണ്ടു നേരത്തെ വണ്ടിക്ക് വട്ടം ചാടിയ നായ കാറിന്റെ മുന്നിൽ നിന്ന് പകയോടെ കാറിലേക്ക് നോക്കുന്നു….

ഡ്രൈവർ അത് കണ്ട് ഒന്ന് പതറി, എന്നിരുന്നാലും അയാൾ നായ മാറി പോവാൻ വേണ്ടി ഹോൺ അടിക്കാൻ തുടങ്ങി..എന്നാൽ ആ നായ അവിടെ നിന്ന് അനങ്ങിയില്ല അത് കണ്ടതും അയാൾക്ക് എന്തോ പന്തികേട് തോന്നി, അയാൾ വീണ്ടും ഹോൺ അടിച്ചു.. പക്ഷെ നായ അവിടെ തന്നെ നിന്ന് കാർ നോക്കി മുരണ്ടു…

 

എന്താടോ എന്തിനാ ഇങ്ങനെ ഹോൺ അടിക്കുന്നെ

ജോർജ് അയാളോട് ചോദിച്ചു.

 

സർ ആ നായ മുന്നിൽ നിന്ന് മാറുന്നില്ല…

 

അതിനെന്താടോ താൻ വണ്ടി കുറച്ചു ഒതുക്കി എടുക്ക്…

 

ഡ്രൈവർ ജോർജ് പറഞ്ഞത് പോലെ തന്നെ  വണ്ടി ഒതുക്കി എടുക്കാൻ ശ്രമിച്ചു.പെട്ടന്ന് മറുഭാഗത്ത് നിന്ന് മറ്റൊരു നായ മുന്നിലേക്ക് ചാടി.

അവ രണ്ടും കാറിനെ നോക്കി മുരണ്ടു കൊണ്ട് നിന്നു…

 

ഇനി എന്താടോ

ജോർജ് ചോദിച്ചു

 

സർ വേറെ ഒരു നായയും കൂടി ഉണ്ട് മുന്നോട്ട് പോകാൻ പറ്റുന്നില്ല ഞാൻ വണ്ടി പുറകോട്ട് എടുക്കട്ടെ…

 

അത് വേണ്ട താൻ പുറത്ത് ഇറങ്ങി രണ്ട് കല്ല് എടുത്ത് എറിയു അത് അങ്ങ് പൊക്കോളും….

 

സർ അത്…..

 

എന്തോടോ പേടി ആണോ

 

അല്ല സർ ഞാൻ ചെയ്യാം…

 

ഡ്രൈവർ അപ്പോൾ തന്നെ കാറിൽ നിന്ന് പുറത്ത് ഇറങ്ങി ഡോർ അടച്ചു..

നിലത്ത് നിന്ന് കല്ല് എടുത്ത് മുന്നിൽ നിൽക്കുന്ന നായകൾക്ക് നേരെ അയാൾ എറിഞ്ഞു. കല്ല് ആ നായയുടെ ദേഹത്ത് തട്ടിയിട്ടും അവ അവിടെ അനങ്ങാതെ നിന്നു, അവ ആ ഡ്രൈവറെ നോക്കി കുരക്കാൻ തുടങ്ങി…