? ഗൗരീശങ്കരം 15 ? [Sai] 1953

സേതുവും ഭാഗ്യവും മുഖത്തോടെ മുഖം നോക്കി… ഇനിയെന്ത് എന്നറിയാതെ….

അതിനിടയിലാണ് സേതുവിന്റെ അകന്ന ബന്ധുവും ജില്ലാ പഞ്ചായത്ത് മെമ്പറും ആയ സുമേഷ് അങ്ങൊട്ട് വന്നത്….

“എന്താ സേതുവേട്ടാ… ലക്ഷണം കണ്ടിട്ട് ഒരു പെണ്ണ് കാണൽ കഴിഞ്ഞ പോലെ ഉണ്ടല്ലോ….? വരുന്ന വഴിക്ക് കാർ പോകുന്ന കണ്ട്…..ആളെയും.”

“മ്മ്….”

“ആഹാ… ആപ്പോ ഉടനെ തന്നെ ഒരു സദ്യ പ്രതീക്ഷിക്കാം അല്ലെ….”

“അത്രക്ക് ഒന്നും ആയില്ല സുമേഷേ… അവർ വന്നു കണ്ടു പോയി അത്രേ ഉള്ളു…..”

“അതെന്താ സേതുവേട്ടാ ഇത്രേം നല്ലൊരു ആലോചന വന്നിട്ട് നിങ്ങൾക് ഒരു സന്തോഷം ഇല്ലാതെ….???”

“നീ ഇത് എന്ത് അറിഞ്ഞിട്ട സുമേഷേ….?”

“പിന്നെ… കുടുംബത്തോട്ട് ഒരു IAS കാരൻ വരുന്നത് ചില്ലറ കാര്യയണോ….?”

“IAS ഓ…..” എല്ലാവരും ഒന്ന് ഞെട്ടി…. കൂടുതൽ ഞെട്ടിയത് ജാനകി ആണ്…

“സുമേഷേട്ടന് അറിയോ ആളെ…”?

“പിന്നെ…. കോഴിക്കോട്ടെ പുതിയ അസിസ്റ്റന്റ് കളക്ടറെ എനിക്ക് അറിയണ്ടിരിക്കോ……….”