? ഗൗരീശങ്കരം 15 ? [Sai] 1953

അതിനു മറുപടി പറഞ്ഞത് മനുവാണ്…

“സേതുവേട്ടാ…. ഇവർക്കു ബന്ധുക്കളെന്നു പറയാൻ ഇവർ തന്നെ ഉള്ളു ശെരിയാ… പക്ഷെ എന്നും ചേർത്തു പിടിക്കുമെന്ന് ഉറപ്പുള്ള, രക്തബന്ധുക്കളെക്കാൾ മുകളിൽ നിൽക്കുന്ന കർമ്മ ബന്ധങ്ങളായി ഞങ്ങൾ ഒത്തിരി പേരുണ്ട്…. ഇപ്പൊ ഒരു മറുപടി പറയണ്ട… ഒന്നുടെ അന്വേഷിച്ചു ആലോചിച്ചു പറഞ്ഞാൽ മതി…..”

അപ്പോഴേക്കും ചായയുമായി ജാനകിയും വന്നു…..

ചായയും കുടിച്ചു ഇറങ്ങാൻ നേരം അജുവിന്റെ അമ്മ ജാനകിയുടെ അമ്മയുടെ കൈകൾ ചേർത്ത് പിടിച്ചു….

“മക്കളുടെ വിവാഹം ഏതൊരു മാതാപിതാക്കളുടെയും സ്വപ്നം ആണ്… അവരെ ഒന്നിപ്പിക്കേണ്ടത് അവർ സ്നേഹിക്കുന്ന അവരെ സ്നേഹിക്കുന്നവരോടൊപ്പമാണ്… ജാനകിയെ എന്റെ മോന്റെ പെണ്ണായിട്ടല്ല എന്റെ സ്വന്തം മോളായി ഞാൻ നോക്കിക്കോളാം…”

വിരുന്നുകാർ പോയതിനു ശേഷം ഒരു തീരുമാനം എടുക്കാൻ കഴിയാതെ സേതു ചാരുകസേരയിൽ ഇരുന്നു.. ഒപ്പം ഭാഗ്യലക്ഷ്മിയും….

സാധാരണ അടുക്കള ഭാഗത്തേക് പോലും പോകാത്ത ജാനകി ആരും ഒന്നും പറയാതെ തന്നെ ചായയുമായി വന്നതും അവളുടെ ഉത്സാഹവും ഒക്കെ സേതുവും ശ്രദ്ധിച്ചിരുന്നു…. ഒപ്പം ഇത് പണ്ടത്തെ കാലം അല്ല എന്നുള്ള തിരിച്ചറിവും…..