? ഗൗരീശങ്കരം 15 ? [Sai] 1953

“അഞ്ജു … ഏയ്… പ്ലീസ്…. കരയാതെടോ… പിള്ളേരെ പോലെ… ഞാൻ പറയണത് ഒന്ന് കേൾക്ക് …..”

മനു അഞ്ജനയെ സമാധാനിപ്പിക്കാൻ നോക്കിയെങ്കിലും അവൾ അതൊന്നും ചെവിക്കൊള്ളാതെ കോഫീ ഷോപ്പിൽ നിന്നും കരഞ്ഞു കൊണ്ട് ഇറങ്ങി…

ആദ്യം കണ്ട ഓട്ടോന് കൈ കാണിച്ചു നിർത്തി അവൾ അതിൽ കയറി… തൊട്ടു പുറകെ വന്ന മനു ഓട്ടോയിലേക്ക് ചാടി കയറി….

“ചേട്ടാ… ബീച്ചിലോട്ട് പോട്ടെ…..”

അജു അപ്പോഴും ആ കോഫീ ഷോപ്പിൽ തന്നെ ഇരിക്കുവായിരുന്നു…..

കടൽത്തീരം ആളും ആരവവും ഇല്ലാതെ ഒഴിഞ്ഞു കിടന്നിരുന്നു… മണൽത്തരികളിൽ കാലുകളൂന്നി അഞ്ജന ഇരുന്നു… ആ കണ്ണുകൾ പെയ്തു ഒഴിഞ്ഞില്ലായിരുന്നു…. തൊട്ടു അടുത്ത് തന്നെ മനുവും ഇരിപ്പുണ്ട്…..

ഏങ്ങലടിയുടെ ശബ്ദം ഒഴിയുന്നത് വരെ മനു കാത്തിരുന്നു….

“അഞ്ജു ..   ഞാൻ ചതിച്ചു എന്ന് കരുതുന്നുണ്ടോ…..????”

“എല്ലാം അറിഞ്ഞുകൊണ്ട്… വേണ്ടായിരുന്നു മനു…. ഒരു വാക്ക് പറഞ്ഞിരുന്നെങ്കിൽ ഇങ്ങനെ വന്നു നാണം കെടേണ്ടി വരില്ലായിരുന്നു…..?”

മനു കുറച്ചു നേരം മിണ്ടാതെ ഇരുന്നു… പിന്നെ എഴുന്നേറ്റ് അഞ്ജുവിന്റെ കയ്യും പിടിച്ചു നടന്നു….. കോർപറേഷൻ ഓഫീസിന്റെ മുന്നിലാണ് ആ നടത്തം അവസാനിച്ചത്…..

“അഞ്ജു …. ആ ബസ് സ്റ്റോപ്പ് കണ്ടോ…..” മനു എതിർവശത്തുള്ള സ്റ്റോപ്പിന് നേരെ കൈ ചൂണ്ടി….?

“മൂന്ന് വർഷം മുൻപ് കൃത്യമായി പറഞ്ഞാൽ അജു ഡൽഹിലേക്ക് ഫ്ലൈറ്റ് കയറുന്നതിന്റെ തലേ ദിവസം…..