?കഥയിലൂടെ ? 1

Author : കഥാനായകൻ

View post on imgur.com

കോളേജ് കഴിഞ്ഞു വൈകുന്നേരം വീട്ടിൽ എത്തി രാത്രിക്കുള്ള ഭക്ഷണം പാകം ചെയ്യുമ്പോൾ ആണ് മൊബൈൽ റിങ് ചെയ്യുന്നത് കേട്ടത്.

ഇനി അനുവേട്ടൻ ആണോ എന്നുള്ള ആകാംക്ഷയിൽ ഫോൺ എടുത്തു സ്ക്രീനിൽ നോക്കിയപ്പോൾ

” അമ്മ കാളിങ്”

ഇത് എന്താ ‘അമ്മ പതിവിലാതെ ഈ നേരത്ത് എന്ന് വിചാരിച്ചു ഫോൺ എടുത്തു

?:”ഹലോ അമ്മെ”

അമ്മ: ” മോളെ മാളു, ഹരി ഉണ്ടോ അവിടെ അനുവിനേയും വിളിച്ചിട്ട് കിട്ടുന്നില്ല അതാ നിന്നെ വിളിച്ചത്”.

മാളു: “ഇല്ലല്ലോ അമ്മെ ഹരിയേട്ടൻ ഇവിടെ വന്നിട്ടില്ല പിന്നെ അനുവേട്ടനും ഇത് വരെ ഓഫീസിൽ നിന്നും എത്തിയിട്ടില്ല”.

അമ്മ: ” അവൻ രാവിലെ വീട്ടിൽ നിന്നും ഇറങ്ങിയതാ ഇത് വരെ എത്തിയിട്ടില്ല പിന്നെ ഞാൻ വിളിച്ചാലും ഫോൺ എടുക്കില്ലല്ലോ. എന്നോട് ഒരു അക്ഷരം മിണ്ടുന്നതു പോലും അവനു ഇഷ്ടം അല്ല. ശരിയാണ് അവനോടു ഞാൻ ചെയ്ത തെറ്റിന്റെ ഫലം ആണ് അവൻ ഇങ്ങനെ എന്നോട് പെരുമാറുന്നത്”.

അമ്മയുടെ സ്വരത്തിലെ ഇടർച്ച മാളുവിന് മനസ്സിലായി.

മാളു: ” ‘അമ്മ വിഷമിക്കാതെ ഏട്ടൻ എല്ലാം മറന്നു പണ്ടത്തെ പോലെ ആകും. ഞാൻ എന്തായാലും അനുവേട്ടനെ വിളിച്ചു നോക്കട്ടെ. മിക്കവാറും അനുവേട്ടന്റെ കൂടെ കാണും”.

മാളു പതുകെ അമ്മയെ ആശ്വസിപ്പിച്ചു ഫോൺ കട്ട് ചെയ്തു. അടുത്ത നമ്പറിൽ ഡയല് ചെയ്തു പക്ഷെ ഫോൺ സ്വിച്ച് ഓഫ് ആയിരുന്നു എന്നാണ് അറിഞ്ഞത്.