?ചെകുത്താൻ 2 (WHITE OR DARK)?[സേനാപതി] 387

അതിന്റെ അർത്ഥം നയനക്ക് മനസ്സിലായില്ല..

-താഴോട്ടു വരാൻ അമ്മ പറഞ്ഞു..

അതും പറഞ്ഞു അമ്മു തിരിച്ചു നടന്നു…

ഇവൾക്ക് ഇതെന്താ പറ്റിയതെന്ന് ആലോചിച്ചു നയനയും നിന്നു…

പതിയെ നയനയും താഴോട്ടു ഇറങ്ങി…

താഴെ അപ്പോഴേക്കും കുടുംബക്കാർ അധികപേരും പോയിരുന്നു…

സമയം ഏകദേശം 9 മണി ആയിരുന്നു…

നയനയെ കണ്ടതും സീത നയനയ്ക്ക് അടുത്തേക്ക് വന്നു…..

അമ്മു അവിടെ ഡൈനിങ്ങ് ടേബിളിൽ ഇരിക്കുന്നുണ്ടായിരുന്നു, അവൾ നയനയെ കണ്ടെങ്കിലും സംസാരിക്കാൻ പോയില്ല…

-ആ മോളെ വാ ഫുഡ്‌ കഴിക്കാം…

സീത വന്നു നയനയെ വിളിച്ചു ഡൈനിങ്ങ് ടേബിളിന്റെ അടുത്തേക്ക് കൊണ്ടുപോയി….

-വിച്ചുവേട്ടൻ വന്നിട്ട് കഴിക്കാം…

അമ്മു പറഞ്ഞു….

-വിച്ചു എവിടെ പോയതാ മോളെ ദാമോദരൻ ചോദിച്ചു….

-സച്ചിഏട്ടന്റെ കൂടെ പോയതാ…..

-ഈ ചെക്കനെ കൊണ്ട് ഇന്ന് ഒരു ദിവസം ഇവിടെ ഇരുന്നൂടെ…

സീത ഒന്ന് നെടുവീര്പെട്ട കൊണ്ട് പറഞ്ഞു

അപ്പോഴാണ് വിഷ്ണുവും സച്ചിനും വീട്ടിലേക്ക് എത്തിയത്…..

വിഷ്ണു നോക്കുമ്പോൾ എല്ലാവരും ഡൈനിങ്ങ് ടേബിളിൽ ഇരിക്കുന്നുണ്ട്, ഒരു സൈഡിലായി ഡയാനയും ഉണ്ട്…