അഞ്ജനം

Anjanam | Author : Thamburan |

 

 

പതിവിലും വിപരീതമായി ഇന്ന് നേരത്തെ കടയിൽ നിന്നും ഇറങ്ങി.,.,.അല്ലെങ്കിൽ എത്ര അത്യാവശ്യത്തിന് നാട്ടിൽ പോകുന്നു എന്ന് പറഞ്ഞാലും ഒരു ടെൻഷനും ഇല്ലാത്ത ആളാണ് ഞാൻ.,.,.,., 

 

നേരെ ഒരു ടാക്സി പിടിച്ചു അപ്പാർട്ട്മെന്റിലേക്ക് തിരിച്ചു.,.,.,.

 

ഒരാഴ്ച കഴിഞ്ഞാൽ ഞങ്ങളുടെ ജീവിതത്തിലേക്ക് മറ്റൊരാൾ കൂടി വരികയാണ്.,.,..,

 

ഓ മറന്നു.,.,., ഞാൻ ആരാണെന്ന് പറഞ്ഞില്ലല്ലോ.,..,,

 

ഞാൻ ഗൗതം മനോഹർ.,.,.,എല്ലാരും കിത്തു എന്ന് വിളിക്കും,…. പ്രവാസി ആണ്..,.,.. വയസ്സ് ഈ വരുന്ന  വൃശ്ചികത്തിൽ 30 തികയും… 

 

വീട്ടിൽ അമ്മയും ഭാര്യയും മാത്രം… ഒരു ചേച്ചി ഉണ്ടായിരുന്നു 2 വർഷം മുന്നേ വിവാഹം കഴിപ്പിച്ചു വിട്ടു..,..,.,

 

എന്റെ പതിനെട്ടാം വയസ്സിൽ ആണ് അച്ഛന്റെ മരണം… വീടിന്റെ കടവും ചേച്ചിയുടെ പഠനവും വീട്ട് ചിലവും എല്ലാം കൂടി നാട്ടിൽ നിൽക്കാൻ സാധിക്കാതെ ആയപ്പോൾ ആണ് വേണ്ടപ്പെട്ടവരെയും എന്റെ പ്രിയപ്പെട്ട നാടും വീടും വിട്ട് അക്കരക്ക് വിമാനം കയറിയത്… ഒരുപാട് സ്വപ്നങ്ങളോടെ ആണ് ആ മരുഭൂമിയിലേക്ക് ഞാൻ ചെന്നിറങ്ങിയത്….

 

അവിടെ ചെന്ന് ആ പേരുവെയിലത്ത് കഷ്ടപ്പെടാൻ ഉള്ള മനസ്സ് ലഭിച്ചത് അമ്മയുടെയും ചേച്ചിയുടെയും മുഖം ഓർക്കുമ്പോൾ ആണ്…. അധ്വാനിച്ചു…

 

രാവിന്നോ പകലെന്നോ ഇല്ലാതെ എല്ലുമുറിയെ പണിയെടുത്തു… എന്റെ 5 വർഷത്തെ കഷ്ടപ്പാടാണ് ചേച്ചിയുടെ വിവാഹവും നാട്ടിലെ വീടും….

 

പണ്ട് അച്ഛനുള്ളപ്പോൾ ഇഷ്ടപെട്ട കറി ഇല്ലാത്തത് കൊണ്ട്  ഭക്ഷണം പലപ്രവിശ്യം വേണ്ടന്ന് വെച്ചിട്ടുണ്ട്.

 

പക്ഷെ ആ മരുഭൂമിയിൽ വിശന്നു കിടക്കുമ്പോൾ അതൊക്കെ ഓർത്ത് പല രാത്രികൾ ഉറക്കം പോലും ഇല്ലാതെ കണ്ണുനീർ പൊഴിച്ചു കിടന്നത് ഓർക്കുബോൾ ഇന്ന് ഒരിറ്റ് ചോറ് പോലും വെറുതെ കളയാൻ തോന്നില്ല…

 

ഒരുപാട് പഠിച്ചു ഞാൻ… വിശപ്പ്,കഷ്ടപ്പാട്…, ഒറ്റപ്പെടൽ… എല്ലാം ഞാൻ പഠിച്ചത് ആ അറബി നാട്ടിൽ നിന്നും ആണ്…

 

ചേച്ചിയുടെ കല്യാണത്തിന് ശേഷം ഇങ്ങോട്ടേക്ക് വിമാനം കയറിയ ഞാൻ പിന്നെ നാട്ടിൽ പോയത് എൻറെ അനന്തരവന്റെ അതായത് ചേച്ചിയുടെ കുഞ്ഞിൻറെ പേരിടൽ ചടങ്ങിനാണ്.,.,.,

 

അന്നാണ്.,.,., ആ പോക്കിലാണ് ഞാൻ അവളെ പെണ്ണുകാണാൻ പോയതും.,..,, നിശ്ചയം നടന്നതും.,.,.