?The Hidden Face 6? [ പ്രണയരാജ] 776

ഇവിടേക്കു വന്നത് മുതൽ ജിവിത രീതി തന്നെ മാറി മറയുന്നു. താനൊരു ഫെമിനിസ്റ്റ് ഒന്നുമല്ല പക്ഷെ പുരുഷൻമാരെ ആരെയും താൻ വിശ്വസിക്കുന്നില്ല എന്നതാണ് സത്യം. അവരോട് സൗഹൃദം ആകാം , എന്നാൽ പ്രണയമോ, ഭർത്താവോ ആയി സങ്കൽപ്പിക്കാനാവില്ല.

ചതി അവരുടെ ജൻമാവകാശമാണ്. കാമം മാത്രം തിളങ്ങുന്ന മിഴികൾ, അല്ലാത്തവരും ഉണ്ടാകാം പക്ഷെ ചെറുപ്പത്തിലെ താറു മാറായ അമ്മയുടെ ജീവിതം കണ്ടാണ് ഞാൻ വളർന്നത്. ബാല്യത്തിൽ അതിനെ ചൊല്ലി കുറെ അനുഭവിച്ചതു കൊണ്ടാവാം മനസും കരിങ്കല്ലായത്.

അമ്മയ്ക്ക് ഞാനൊരു വിവാഹം കഴിക്കണം, അത് അരവിന്ദനെയാവണം. പ്രതികാരത്തിൻ്റെ കനലെരിയുന്നുണ്ട് ആ പാവത്തിൻ്റെ മനസിൽ , പക്ഷെ പറ്റണില്ല എനിക്ക്, ഇത്രയും നാൾ മനസിൽ കൊണ്ടു നടന്ന പുരുഷ വിദ്ദേശം ഒറ്റയടിയ്ക്ക് മായ്ച്ചു കളയാൻ ആർക്കാ കഴിയുക.

മാഡം,…

രാജൻ്റെ വിളിയാണ് അവളെ ഉണർത്തിയത്.

എന്താ…രാജൻ,

മാഡം ചോദിച്ച ഫയൽ,

അവിടെ വെച്ചോളൂ…

ഒന്നിനും ഒരു ഉത്സാഹമില്ലാത്ത പോലെ, എങ്കിലും അവൾ ആ ഫയൽ എടുത്തു ജോലിയിൽ ശ്രദ്ധ ചെലുത്താൻ ശ്രമിച്ചു.

?????

അഞ്ചു മണിയ്ക്കു തന്നെ അവൾ വീട്ടിലെത്തി, എനി എന്താണാവോ… എന്നു ചിന്തിച്ചു കൊണ്ടാണവൾ വീടിനകത്തേക്കു കയറിയത്. അവളെ കണ്ടതും,  ലക്ഷ്മിയമ്മ അവൾക്കരികിലേക്കു ചെന്നു.

വേഗം മാറ്റി വാ… അമ്പലത്തിൽ പോകണം.