?The Hidden Face 6? [ പ്രണയരാജ] 776

“ന്നാലും എൻ്റെ കണ്ണാ എന്നോടിതു വേണായിരുന്നോ “

ആകാശം നോക്കി മനസിൽ അതു പറഞ്ഞു കൊണ്ടവൾ പതിയെ ഇറങ്ങി. മുഖത്ത് നാണവും പരിഭവവും തളം കെട്ടിയിരുന്നു. അവനും അവളെ തന്നെ ഉറ്റു നോക്കുവായിരുന്നു.

ഞാൻ മെസേജ് ചെയ്യാട്ടോ…

അവളത് പറഞ്ഞതും തലയാട്ടി കൊണ്ട് അവൻ പതിയെ വണ്ടിയുമെടുത്ത് വീട്ടിലേക്കു പോയി. പടി കയറുമ്പോൾ തന്നെ കൊലായിയിൽ ഇരിക്കുന്ന അർച്ചനയെ കണ്ടു അവൻ പുഞ്ചിരി തൂകി.

നാളെ ജോയിൻ ചെയ്യുന്നുണ്ടോ അതോ…

ഇല്ല നാളെ ഞാൻ ഡ്യൂട്ടിക്കു കയറുന്നുണ്ട്.

ഉം ….

അവളൊന്നു മൂളുക മാത്രം ചെയ്തു. ആ സമയം അവളുടെ ഫോൺ റിംഗ് ചെയ്തത് , കാര്യമായ എന്തോ ഒന്നു സംസാരിച്ച ശേഷം അവൾ പറഞ്ഞു.

നാളെ നമുക്ക് പുലർച്ചെ പോണം , സെക്രട്രിയേറ്റു വരെ,

എന്തു പറ്റി,

ആർക്കറിയാം വിളിപ്പിച്ചിട്ടുണ്ട്.

എന്നാ ഞാൻ വണ്ടി എടുത്തു വരാം, പുലർച്ചെ പോണ്ടതല്ലെ.

ഉം…

അവൾ മൂളിയതും അവൻ വണ്ടിയെടുക്കാനായി പോയി.

?????

അതിരാവിലെ നാലു മണിക്കു തന്നെ അവർ യാത്രയായി തിരുവനന്തപുരത്തേക്ക്. സൂര്യകാരണം പോലും മുത്തമിടാൻ മലർന്ന പലർക്കാലം. മഞ്ഞു പെയ്തിറങ്ങുന്നത് കൊണ്ട് തന്നെ, നല്ല തണുപ്പുണ്ടായിരുന്നു. അതിവേഗത്തിൽ അരവിന്ദൻ വണ്ടി പായിച്ചു.

അർച്ചന അവൾ തണുത്തു വിറച്ചു തുടങ്ങി. അവളുടെ ചെഞ്ചുണ്ടുകൾ വിറകൊള്ളുന്നത് അരവിന്ദനുള്ളിൽ ഒരു കൊള്ളിയാൻ മിന്നുന്നതിനു കാരണമായി. പതിയെ പതിയെ സൂര്യകിരണങ്ങൾ പ്രകൃതിയെ മുത്തമണിഞ്ഞപ്പോൾ കൊച്ചു കുഞ്ഞുങ്ങളെ പോലെ വിസ്മയത്തോടെ കണ്ണും നട്ടിരുന്ന അർച്ചനയുടെ മുഖത്തെ ഭാവങ്ങൾ അരവിന്ദനെ പിടിച്ചൊന്നു കുലുക്കി.

ഇടയ്ക്കൊരു ചായ പീടികയിൽ കയറി പ്രഭാത ഭക്ഷണം കഴിച്ച ശേഷം അവർ വീണ്ടും യാത്ര തുടങ്ങി. റോഡുകൾ പതിയെ തിരക്കുകൾ കൂടി വന്നതും, അരവിന്ദൻ സൈറൻ മുഴക്കി. അതിവേഗം ആ തിരക്കുകൾക്കിടയിലൂടെ പായിച്ചു. കുറ്റം പറയരുതല്ലോ നല്ല ഡ്രൈവിംഗ് ആണ് അരവിന്ദൻ്റത്. കൃത്യം 10.15 ന് സെക്രട്രിയേറ്ററിലേക്ക് എത്തിയിരുന്നു.

– – – – – – – – – – – – – – – – – – – – – – – – – – – – – – – – – – – – – –

മുഖ്യമന്ത്രിയുടെ മുന്നിൽ അർച്ചന ചെന്നു നിന്നു. അദ്ദേഹത്തെ ഒന്ന് സെല്യൂട്ട് ചെയ്ത ശേഷം, അവൾ നോക്കി നിന്നതും അയാൾ ഇരിക്കാൻ പറഞ്ഞതും അവൾ സീറ്റിൽ കയറി ഇരുന്നു.

എന്താ…. നിങ്ങൾ കാട്ടിക്കൂട്ടുന്നത്