?The Hidden Face 4? [ പ്രണയരാജ] 648

ഞാൻ അഭിരാമി, 3 rd year BA ഇംഗ്ലീഷ് പഠിക്കുന്നു. കുറച്ചു മുന്നെ അരവിന്ദനോട് സംസാരിച്ചത് എൻ്റെ അച്ഛനാണ്, ഒരു പാവം ബിസിനസുക്കാരൻ, പേര്, ചന്ദ്രശേഖരൻ നാട്ടുക്കാർ ചൊറിയൻ ചന്തു എന്നു വിളിക്കും. എന്നെക്കുറിച്ചും വീട്ടുക്കാരെ കുറിച്ചും വഴിയെ പറയാം.

കുറച്ചു മാസങ്ങൾക്കു മുമ്പാണ് അരവിന്ദൻ ചേട്ടനെ കണ്ടത്. അന്ന് വല്ലാത്ത ഒരാകർഷണം തോന്നിയിരുന്നു. അല്ലാതെ മറ്റൊന്നും ഉണ്ടായിരുന്നില്ല. പക്ഷെ ഇപ്പോ അങ്ങനെയല്ല. എല്ലാത്തിനും കാരണം മരിയ ജോൺ ആണ്. ജോൺ സാറിൻ്റെ ഭാര്യ.

ജോൺസർ ഫാമിലിയും അയൽപ്പക്കവുമായി നല്ല ബന്ധം നിലനിർത്തിയിരുന്നു. ഞാനുമായി മരിയ ചേച്ചി നല്ല കൂട്ടായിരുന്നു. അങ്ങനെ ഒരു ദിവസം അവരുമായി ഉണ്ടായ സംസാരമാണ്, ആകർഷണത്തെ, അരാധനയാക്കിയതും പ്രണയമാക്കിയതും.

ടി… അഭി….

എന്താ ചേച്ചിക്കുട്ടി , ഇന്ന് ഞായർ അല്ലെ, നേരെ ഇങ്ങോട്ടു വന്നത്.

അരവിന്ദനും രാജേട്ടനും വന്നിട്ടുണ്ട്, അവര് വെള്ളമടിച്ച് സൊറ പറഞ്ഞിരിക്കമ്പോ എനിക്കും വേണ്ട , എന്തേലും അതാ ഞാനിങ്ങു പോന്നെ,

ആ അരവിന്ദനും രാജേട്ടനുമാ.. സാറിനെ വെടക്കാക്കുന്നെ,

ടി, നീ അരവിന്ദനെ കുറ്റം പറഞ്ഞു കളിക്കണ്ട,

അതെന്താ ചേച്ചി.

അതൊരു പാവാടി, എൻ്റെ കെട്ടിയോനും രാജേട്ടനും ചേർന്ന് അതിനെ വെടക്കാക്കാണ്ടിരുന്നാ മതി.

ഒരു സാധാ കോൺസ്റ്റബിൾസിനെ  ജോൺ സർ നിർത്തേണ്ടിടത്ത് നിർത്താഞ്ഞിട്ടാ…

എടി, ചേട്ടന് അരവിന്ദൻ ഒരു അനിയനെ പോലെയാ… പിന്നെ, രാജേട്ടൻ, അതു നല്ല ഒരു സൗഹൃദം. പക്ഷെ അരവിന്ദൻ അവൻ എനിക്കും അനിയനെ പോലെയാ…