?The Hidden Face 4? [ പ്രണയരാജ] 646

അയാൾ പോയതിനു തൊട്ടു പിന്നാലെ,  രണ്ടാളുകൾ കടന്നു വന്നു. മുടന്തനായ ഒരാളെ താങ്ങി കൊണ്ട് ഒരു ചെറുപ്പക്കാരൻ, അവരോട് ഇരിക്കാൻ അർച്ചന പറഞ്ഞതും, മുടന്തനെ ഇരുത്തിയ ശേഷം ആ ചെറുപ്പക്കാരൻ ഇരുന്നത്.

എന്താ… എന്താ കാര്യം.

അത് മോളെ, ഞമ്മൾ, അൻസാർ അലി മുഹമ്മദ് എല്ലാരും ഞമ്മളെ സാഹിബ് എന്നാ വിളിക്കാ…

നിങ്ങൾ വന്ന കാര്യം പറഞ്ഞില്ല,

അതു തന്നെയാ ഞമ്മൾ പറഞ്ഞു വരുന്ന, നൗഫു ബതൽ ആണ് ഞമ്മടെ സ്ഥലം.

ഒക്കെ,

അവടെ ഞമ്മൾ ഒരു ഹോസ്പിറ്റൽ ഉണ്ടാക്കണുണ്ട്, രണ്ടീസം കഴിഞ്ഞാ അതു തൊറക്കും, അതു മോളു വന്നു തൊറന്ന് തരണം .

അയ്യോ… ഞാനോ… അതൊന്നും ശരിയാവില്ല.

മോള് അങ്ങനെ പറയരുത് , മോളു തന്നെ ബരണം.

ഞാനെന്തിനാ… വല്ല മന്ത്രിമാരെയും വിളിച്ചാ പോരെ.

മതി, പക്ഷേങ്കില് മോള് വരണ പോലെ ആവില്ലല്ലോ…

അതെന്താ…

മോളെ, പാവപ്പെട്ട ഞമ്മടെ സമുദായത്തിൽ ചേർന്നോരു വസിക്കണ കോളനിയാ അത് എല്ലാം പാവങ്ങള്, മോള് ഒരു പെണ്ണാ…