?The Hidden Face 4? [ പ്രണയരാജ] 648

താങ്ക്യൂ…

ചന്ദഗാന്ദ് അവളെയും അവൾ അയാളെയും ഒരു നിമിഷം ഇമവെട്ടാതെ നോക്കി നിന്നു പോയി. ഇരുവർക്കിടയിലും മൗനം തളം കെട്ടി നിന്നിരുന്നു. ഒരു വല്ലാത്ത അവസ്ഥ , മൗനത്തെ തകർത്തു കൊണ്ട് ചന്ദ്രഗാന്ദ് ചോദിച്ചു.

മാഡം ഫയൽസ്…

അവൻ്റെ ശബ്ദം ഉയർന്നതും അർച്ചനയൊന്നു ഞെട്ടി, അതു കണ്ട അവൻ്റെ മുഖത്ത് ഒരു പുഞ്ചിരി വിരിഞ്ഞു. ആരേയും വശീകരിക്കുന്ന ആ പുഞ്ചിരി.

അർച്ചന കേസ് ഫയൽ എടുക്കാനായി, കോൺസ്റ്റബിളിനോട് പറഞ്ഞു. അയാൾ ഫയൽ എടുത്തു വരാൻ പോയപ്പോൾ അർച്ചന ചന്ദ്രഗാന്ദിനോട് ചോദിച്ചു.

ഒരു തെളിവും ഇല്ലാത്ത കേസാണ്, എവിടെ നിന്നും തുടങ്ങാനാ പ്ലാൻ,

സോറി, മാഡം, എനിക്ക് എൻ്റേതായ വഴികൾ ഉണ്ട്, ഞാനതിലെ സഞ്ചരിച്ചോളാം. വല്ല തുമ്പും കിട്ടിയാ ഞാൻ മാഡത്തെ അറിയിക്കാം.

അവൻ്റെ ആത്മവിശ്വാസവും ആരെയും കൂസലില്ലാത്ത സംസാരവും അവളെയും ആകർഷിച്ചു. നട്ടെല്ലുള്ള ഒരാണിനെ മുന്നിൽ കണ്ട സന്തോഷം ആ മുഖത്ത് തെളിഞ്ഞു. അരവിന്ദൻ്റെ മുഖം ഓർമ്മയിൽ വന്നതും ആ മുഖം വാടി.

മാഡം…

അവൻ്റെ വിളിയാണ് , അവളെ ചിന്തകളിൽ നിന്നും ഉണർത്തിയത്.

ഒക്കെ , മിസ്റ്റർ ചന്ദ്രഗാന്ദ്, ഫയൽ നിങ്ങൾ കോൺസ്റ്റബിൾ മാധവേട്ടൻ്റെ കയ്യിൽ നിന്നും വാങ്ങി കൊള്ളൂ…

ഓൾ ദ ബെസ്റ്റ്.