❤️ എന്റെ ചേച്ചിപെണ്ണ് 9 ❤️ [The_Wolverine] 1476

“സ്സ്… സ്സ്… അയ്യോ വേണ്ട ഏട്ടാ… നിക്ക് നീറുന്നു…”

“ബാത്‌റൂമിലെ വാഷ് ബേസിനിൽ പോയി അവളുടെ കൈ വാഷ് ചെയ്യുന്നതിനിടയിൽ നീറ്റൽ എടുത്തിട്ടെന്നോണം അവൾ നിന്ന് ചിണുങ്ങിക്കൊണ്ട് എന്നോട് പറഞ്ഞപ്പോൾ എനിക്ക് ചിരി വന്നു… ഞാൻ ചിരിക്കുന്നത് കണ്ടപ്പോൾ അവൾ എന്നോട് പിണങ്ങിയിട്ടെന്നപോലെ മുഖവും വീർപ്പിച്ച് നിന്നു…

…ആ ഒരു നിമിഷം കുറച്ച് മുൻപ് അവൾ എന്നോട് പറഞ്ഞ കാര്യങ്ങൾ എല്ലാം മറന്ന് ഞാൻ അവളുടെ ആ പഴയ ആദി ഏട്ടൻ ആയി മാറുകയായിരുന്നു…

…എന്റെ മനസ്സിൽ നിറഞ്ഞ് നിന്നത് എന്റെ ഈ കുഞ്ഞു പെങ്ങളൂട്ടിയോടുള്ള സ്നേഹവും വാത്സല്യവും ഒന്ന് മാത്രമായിരുന്നു… ആ സമയം തന്നെ എന്റെ ചിന്തകൾ കൈവിട്ട പട്ടം പോലെ കഴിഞ്ഞ് പോയ കാലങ്ങളിലേക്ക് സഞ്ചരിക്കുകയായിരുന്നു ഒരു ടൈം മെഷീനിൽ എന്നപോലെ… മാളൂസിനെയും ആതിരയെയും ഒരുപോലെ പൊതിഞ്ഞു പിടിച്ച് സ്നേഹിച്ചത് എല്ലാം എന്റെ ഓർമ്മകളിൽ ഒരു വസന്തം പോലെ വന്ന് നിറഞ്ഞു… എന്റെ ചുണ്ടിൽ സംതൃപ്തിയോടുകൂടിയ ഒരു പുഞ്ചിരി വിരിഞ്ഞു…

“ഉം… ഹും… എഹും…”

…അവളുടെ ആക്കി ചുമയാണ് എന്നെ ചിന്തകളിൽ നിന്നും ഉണർത്തിയത്… ഗൗരവ ഭാവം ആണ് അവളുടെ മുഖത്ത് എങ്കിലും കണ്ണിൽ ഒരു കുസൃതി ഉണ്ട്…