❤️ എന്റെ ചേച്ചിപെണ്ണ് 9 ❤️ [The_Wolverine] 1477

 

…ഡോറിൽ ആരോ തട്ടി എന്റെ പേര് വിളിക്കുന്നത് കേട്ടാണ് ഞാൻ കണ്ണ് തുറന്നത്… ഫോൺ എടുത്ത് സമയം നോക്കിയപ്പോൾ 8 മണി ആകുന്നതേ ഉണ്ടായിരുന്നുള്ളൂ…

 

…സാധാരണ 08:30 മണി ഒക്കെ ആകുമ്പോൾ ആണ് അമ്മയോ ആതിരയോ അച്ചുവോ മിച്ചുവോ ഒക്കെ ആയിട്ട് എന്നെ വിളിക്കാറ്… എന്തെന്നുവെച്ചാൽ ആ സമയത്ത് എണീറ്റാൽ കുളിച്ച് ഫ്രഷായി ഫുഡും കഴിച്ച് ഇറങ്ങി കൃത്യമായി കോളേജിൽ എത്താം… 10 മണിക്കാണ് ക്ലാസ് തുടങ്ങുന്നത്…

 

…എന്തായാലും ഇനി ഉറക്കം കിട്ടില്ല എന്ന് മനസ്സിലായപ്പോൾ ഞാൻ മടുപ്പോടെ തന്നെ കട്ടിലിൽ നിന്ന് എണീറ്റ് പോയി ഡോർ തുറന്നപ്പോൾ കണ്ടത് ഈറൻ മുടി തോർത്തിൽ ചുറ്റി കെട്ടി ഒരു നീലയും പച്ചയും കളർ ധാവണിയും അണിഞ്ഞ് കൈയിൽ ഒരു കപ്പ് കോഫിയും ആയി നിക്കുന്ന മാളുവിനെ ആണ്…

 

…അവളെ ആ വേഷത്തിൽ കണ്ടപ്പോൾ എന്റെ കണ്ണുകൾ ഒന്ന് വിടർന്നു… അത്രയ്ക്കും സുന്ദരി ആയിരുന്നു അവൾ ആ വേഷത്തിൽ…

 

…ഞാൻ അവളെ തന്നെ നോക്കുന്നത് കണ്ടപ്പോൾ സ്ത്രീ സഹജമായ ഒരു നാണം അവളുടെ മുഖത്തേക്ക് ഇരച്ചെത്തി… അവൾ എന്നെ നോക്കി വശ്യമായി ഒന്ന് ചിരിച്ചു…

 

“എന്താ ഇങ്ങനെ നോക്കണേ…”

 

…അവൾ ഒരു കള്ള ചിരിയോടെ എന്നെ നോക്കി ചോദിച്ചപ്പോൾ ഞാൻ പെട്ടെന്ന് സ്വബോധത്തിലേക്ക് വന്നു…

 

“മ്ച്ചും…”

 

…ഞാൻ ഒരു ജാള്യതയോടെ അവളെ നോക്കി പറഞ്ഞപ്പോൾ അവൾ കടക്കണ്ണിൽ എന്നെ നോക്കി പുഞ്ചിരി തൂകി…

 

“ഇതാ… ആദി ഏട്ടാ…”

 

…അവൾ ഒരു ചിരിയോടെ ആ കോഫി കപ്പ് എന്റെ നേരേ നീട്ടി… ഞാനും ഒരു പുഞ്ചിരിയോടെ അത് കൈ നീട്ടി വാങ്ങി…

 

“എന്താ മാളൂസേ… രാവിലെ തന്നെ ധാവണി ഒക്കെ ഉടുത്ത് സുന്ദരി ആയിട്ടാണല്ലോ വരവ്…”

 

…ഞാൻ ഒരു ചിരിയോടെ അത് പറഞ്ഞപ്പോൾ അവളുടെ മുഖത്ത് ഒരു നാണം കലർന്ന ചിരി വിടർന്നു…

 

“എയ് ഒന്നൂല്യാ…”

 

…അതും പറഞ്ഞ് മാളു എന്റെ മുറിയിലേക്ക് കയറി ചുറ്റും ഒന്ന് നോക്കി…

 

“എന്തൂട്ടാടീ ഇത്രക്ക് നോക്കാൻ…”

 

…ഞാൻ ചോദിച്ചു…

 

“ചുമ്മാ…”

 

…അവൾ ഒരു ചിരിയോടെ പറഞ്ഞു…

 

“ഹമ്മ്…”

 

…ഞാൻ ഒന്ന് മൂളിയിട്ട് കോഫിയുമായി ബെഡ്ഡിൽ ചെന്ന് ഇരുന്നു…

 

“ആദി ഏട്ടാ…”

 

…അവൾ ചുണ്ടിൽ നിറഞ്ഞ പുഞ്ചിരിയോടെ ഒരു ഈണത്തിൽ എന്നെ വിളിച്ചപ്പോൾ ഞാൻ അവളെ നോക്കി…

 

“എന്താ മാളൂസേ…”

 

…ഞാൻ കോഫി ഒരു സിപ്പ് എടുത്തുകൊണ്ട് അവളോട്‌ ചോദിച്ചു…

 

“അത്… അത് എനിക്ക്… എനിക്ക് ഏട്ടനോട് ഒരു കൂട്ടം പറയാനുണ്ട്…”

 

…അവൾ അല്പം നാണത്തോടെ എന്നോട് പറഞ്ഞപ്പോൾ എന്റെ ദേഹം ആകെ വിറക്കാൻ തുടങ്ങി…

 

“എ… എന്താ… എന്താ മാളൂ…”

 

…ഞാൻ വിക്കി വിക്കി അവളോട്‌ ചോദിച്ചു… എന്റെ പരിഭ്രമം കണ്ട് അവൾക്ക് ചിരി വരുന്നുണ്ട് ഒപ്പം നാണവും…

 

…അത്… അത്… എനിക്ക് ഇഷ്ടം ആണ്… I’m in love… “

 

…നാണത്തോടെ എന്റെ മുഖത്ത് നോക്കി അവൾ മനസ്സ് തുറന്നപ്പോൾ എന്റെ കൈയിൽ ഇരുന്ന കോഫി കപ്പ് പിടി വിട്ട് താഴെ വീണ് പൊട്ടി ചിതറി…

 

[തുടരുന്നു…]