❤️ എന്റെ ചേച്ചിപെണ്ണ് 9 ❤️ [The_Wolverine] 1476

…അവൾ ഒന്ന് റിലാക്സ് ആയെന്ന് കണ്ടപ്പോൾ ഞാൻ പതിയെ അവളെ എന്റെ നെഞ്ചിൽ നിന്ന് അടർത്തി മാറ്റി അവളുടെ മുഖത്തേക്ക് നോക്കിയപ്പോൾ അവൾ എന്നെ നോക്കി പുഞ്ചിരിച്ചു… ഞാൻ എന്റെ കൈകൾ കൊണ്ട് പതിയെ അവളുടെ കണ്ണുനീർ തുടച്ച് മാറ്റി…

“സന്തോഷം കൊണ്ടാ ഏട്ടാ…”

…അതും പറഞ്ഞ് അവൾ പതിയെ ബെഡ്ഡിൽ നിന്ന് എണീറ്റു…

“ഉം… എങ്ങോട്ടാ…”

…ഞാൻ അവളെ നോക്കി പുരികം ഉയർത്തി ചോദിച്ചു…

“അല്ല… ഇതൊക്കെ ക്ലീൻ ചെയ്യണ്ടേ…”

…നിലത്ത് പൊട്ടി ചിതറി കിടക്കുന്ന ചില്ലിൻ കഷണങ്ങളിലേക്കും തറയിൽ ഒഴുകി കിടക്കുന്ന കോഫിയിലേക്കും നോക്കി അവൾ പറഞ്ഞു…

“അച്ചോടാ… എന്നിട്ടെന്തിനാ വീണ്ടും കൈ മുറിക്കാനാണോ…”

…ഞാൻ ഒരു ആക്കി ചിരിയോടെ അവളെ നോക്കി ചോദിച്ചപ്പോൾ അവൾ എന്നെ നോക്കി കൊഞ്ഞനം കുത്തി കാണിച്ചു… എനിക്ക് ചിരി വന്നു…