❤️✨️ശാലിനിസിദ്ധാർത്ഥം15✨️❤️ [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷] 441

ആദം :” ജയാ.. അർജുനെ കിട്ടിയോടാ ”

ജയൻ :”ഇല്ലടാ.. അവൻ ഫോണെടുക്കുന്നില്ല….”

ഐസക് : “ശ്ശെടാ…! നീ സിദ്ധാർഥിനെ വിളിച്ചുനോക്ക്.”

“വേണ്ടടാ അവർ എന്തേലും പ്രശ്നത്തിൽ അകപ്പെട്ടു കിടക്കുവാണെങ്കിലോ..? വെറുതെ അവനെ വിളിച്ച് ശല്യപ്പെടുത്തേണ്ടാ…” ആദം തടസ്സം പറഞ്ഞു.

” ഞാൻ വിളിക്കാം സിദ്ധാർഥിനെ. ഞാൻ വിളിച്ചാൽ അവനെന്തായാലും ഫോണെടുക്കും…” അവൾ പറഞ്ഞത് കേട്ട് സിദ്ധാർഥിന്റെ കൂട്ടുകാരും അവളുടെ കൂട്ടുകാരും അവളെ അത്ഭുതത്തോടെ നോക്കി.

എന്നാൽ അവരുടെ നോട്ടങ്ങളെ പാടെ അവഗണിച്ചുകൊണ്ട് ശാലിനി തന്റെ ഫോണെടുത്ത് സിദ്ധാർഥിന്റെ നമ്പർ ഡയൽ ചെയ്തു വിളിച്ചു…

**********************************************

“ഡേയ് കുട്ടികളെ.. കുറച്ച് മുന്നെ ക്ലാസ്സിൽ നിന്ന് റിഫ്രഷ് ആവാനെന്നും പറഞ്ഞ് പോയവർ എന്തിയേ..???” സിദ്ധാർഥിനെയും അർജുനെയും കാണാഞ്ഞിട്ട് ടെൻഷനടിച്ച റോസ് സിദ്ധാർഥിന്റെ കൂട്ടുകാരോടായി ചോദിച്ചു.

“അവരിപ്പോൾ വരും മിസ്സേ… കുറച്ച് മുന്നെ സിദ്ധുവിനെ വിളിച്ചായിരുന്നു…”

“മ്മ്.. ഓക്കേ. ആ പ്രിൻസിപ്പാളിനെ അവർ കാണാതിരുന്നാൽ മതിയായിരുന്നു… ആ മുരടനെ എനിക്ക് അറപ്പാണ്… ഈ കോളേജ് അയാളുടെ സ്വത്താണെന്നാണ് അയാളുടെ വിചാരം.”

” ഏഹ്.. അപ്പൊ ടീച്ചർ നമ്മുടെ ആളാണല്ലോ.. ”

റോസ് ആരോടെന്നില്ലാതെ പറയുന്നത് കേട്ട് അവിടയുണ്ടായിരുന്ന പയ്യൻസിന് വിസ്മയം തോന്നി. അത് കേട്ട് റോസ് അവരെ നോക്കിയൊന്നു പുഞ്ചിരിച്ചു.

“മേ ഐ കം ഇൻ മിസ്സേ…” അപ്പോഴാണ് ക്ലാസ്സിന്റെ വാതിൽക്കൽ സിദ്ധാർഥ് അർജുനോടൊപ്പം പ്രത്യക്ഷപ്പെട്ടത്.

“ങാ വാ… കം ഇൻ..”

“താങ്ക്യൂ മിസ്സ്‌….”

“എന്താ നിങ്ങൾ താമസിച്ചത്…?? രണ്ടു പേരും നന്നായി വിയർത്തിട്ടുണ്ടല്ലോ…!”

ക്ലാസ്സിലേക്ക് കേറിവന്ന സിദ്ധാർഥിന്റെയും അർജുന്റെയും അവസ്ഥ കണ്ട് റോസ് ചോദിച്ചു.