❤️✨️ശാലിനിസിദ്ധാർത്ഥം15✨️❤️ [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷] 443

ഇതേസമയം സിദ്ധാർഥിന്റെ കൂട്ടുകാർ, തമ്മിൽ തമ്മിൽ സംസാരിക്കുകയായിരുന്നു…

ശിവ :”എന്നാലും സിദ്ധാർഥിനെയും കൂട്ടി പുറത്തേക്ക് പോയ അർജുനെ കാണാനേയില്ലല്ലോടാ… ഇനിയവർ ഗുണനായകിന്റെ മുന്നിൽ ചെന്ന് പെട്ടു കാണുമോ…???”

സത്യ :” ദേ ശിവാ, നീ നിന്റെ കരിനാക്ക് വളയ്ക്കാതിരുന്നേ.. പുറത്തേക്ക് പോയവന്മാർ ഈശ്വരാനുഗ്രഹം കൊണ്ട് പ്രശ്നങ്ങളൊന്നുമില്ലാതെ വരട്ടെ…”

“യ്യോ.. ഇല്ല ഞാൻ വളയ്ക്കുന്നില്ല. സോറി എന്നോട് ഷെമിക്കണം നാരദൻ സാറേ.” ശിവ സത്യയുടെ നേർക്ക് തൊഴുതു കാണിച്ചു.

വിഷ്ണു : “പറയാൻ പറ്റില്ലടാ… അർജുനോടൊപ്പം പുറത്തേക്ക് പോയിരിക്കുന്നത് സിദ്ധുവായത് കൊണ്ട് എന്തേലുമൊക്കെ സംഭവിക്കാൻ ചാൻസുണ്ട്.”

“എന്റെ പടച്ചോനേ…! ഇനി അങ്ങനെയെങ്ങാനും സംഭവിച്ചാൽ അതിന്റെ ഭവിഷ്യത്ത്, ഈ കഴിഞ്ഞ ദിവസങ്ങളിൽ നടന്ന സംഭവങ്ങളെക്കാളും മാരകമാകും.. എടാ ജയാ.. നീ അർജുനെയൊന്നു വിളിച്ചേ…”

ആദം, ബാക്ക് ബെഞ്ചിലിരുന്ന ജയനോട് അർജുനെ വിളിക്കുവാനാവശ്യപ്പെട്ടു.

“ശെരി ടാ… ” ജയൻ അപ്പോൾതന്നെ ഫോണെടുത്ത് അർജുന്റെ നമ്പറിലേക്ക് ഡയൽ ചെയ്തു.

എന്നാൽ ഒന്ന് രണ്ട് തവണ റിംഗ് പോയെങ്കിലും അപ്പുറത്ത് കാൾ അറ്റന്റ് ചെയ്യപ്പെട്ടില്ല.” ഛേ…! ഇവനെന്താ ഫോണെടുക്കാത്തത്.. ” അർജുൻ ഫോണെടുത്തത് കണ്ട് ജയസൂര്യ നിരാശപ്പെട്ടു.

“എന്താ ജയൻ…??? അർജുൻ ഫോണെടുക്കുന്നില്ലേ..” അവന്റെ പുറകിലിരിക്കുകയായിരുന്ന കാർത്തിക ചോദിച്ചു.

“ഇ…ഇല്ല അവനിനി എന്തേലും എടാകൂടത്തിൽ പെട്ടോ എന്തോ…”

“സിദ്ധാർഥിനെ വിളിക്കാത്തെന്താ ? അവനെ വിളിച്ചില്ലേ ?”

“അഹ്‌ നല്ല ബെസ്റ്റ് ചോദ്യം. ഫോൺ വിളിച്ചിട്ട് അർജുൻ എടുക്കാത്തപ്പോൾ ഇനി സിദ്ധാർഥിനെ വിളിച്ചിട്ട് വല്ല കാര്യമുണ്ടോ ?? ”

കാർത്തിക :”എന്നാലും നിനക്കൊന്നു വിളിച്ചൂടെ…???”

“ഓ എനിക്കെങ്ങും വയ്യ. പോയിട്ട് എപ്പോഴേലും വരട്ടെ.” ജയൻ വലിയ താല്പര്യമില്ലാത്ത മട്ടിൽ മറുപടി നൽകി.