❤️✨️ശാലിനിസിദ്ധാർത്ഥം15✨️❤️ [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷] 441

“അപ്പൊ ഇവന് മാത്രമേയുള്ളോ ചോക്ലേറ്റ്…??? ഇവന്റെ ഫ്രണ്ട്സായ ഞങ്ങൾക്ക് മാത്രം ഇല്ല..” അത് കണ്ടു കൊണ്ടുനിന്ന ആദം പിറുപിറുത്തു.

“ഓ സോറി…ഞാനത് മറന്നു പോയി. അടുത്ത തവണ നിങ്ങൾക്കും കൂടെ വാങ്ങി തരാം. അപ്പൊ ഞാൻ പോട്ടെ സിദ്ധാർഥ്..” രക്ഷിത അവനെ ഇരുത്തിയൊന്നു നോക്കി ഇളിച്ചിട്ട്, കൂട്ടുകാരോടൊപ്പം അവളുടെ ബെഞ്ചിലേക്ക് പോയി.

” എടാ എടാ..നിനക്ക് വേണ്ടെങ്കിൽ ആ ചോക്ലേറ്റ് എനിക്ക് താടാ.. നിനക്ക് അവള് വാങ്ങി തന്നത് വേണ്ടെങ്കിൽ എനിക്ക് താടാ. എനിക്കെങ്കിലും അത് കൊണ്ടൊരു ഉപയോഗമാവട്ടെ.” ജയസൂര്യ കെഞ്ചികൊണ്ട് സിദ്ധാർഥിനെ സമീപിച്ചു.

“ഇല്ല പോടാ.. ഇതേ, എന്റെ ബെസ്റ്റ് ഫ്രണ്ടിന്നുള്ളതാണ്.. എന്റെ ചങ്കത്തിക്ക് മാത്രമുള്ളതാണ്. വൈകിട്ട് കോളേജ് വിടുമ്പോൾ അവൾക്കിത് നൽകണം.” സിദ്ധാർഥ് നിഷ്കരുണം അവന്റെ അഭ്യർത്ഥന തള്ളികളഞ്ഞിട്ട് അവിടെനിന്നും പോയി.

“ഛേ തുലഞ്ഞു… ഞാനിനി എങ്ങനെ കാർത്തികയുടെ പിണക്കം മാറ്റും.” ജയൻ നിരാശപ്പെട്ടു.

ആദം : “മോനേ അജൂ, നിന്റെ അളിയൻ കൈവിട്ടു പോകുമെന്നാണ് എനിക്ക് തോന്നുന്നത്.. കേട്ടില്ലേ അവൻ പറഞ്ഞത്. ആ ചോക്ലേറ്റ് അവൻ അവൾക്ക് കൊടുക്കുമെന്ന്. ശാലിനിയെ കണ്ടത് മുതൽ അവൻ വളരെ വിചിത്രമായിട്ടാണ് പെരുമാറുന്നത്.”

വിഷ്ണു :”ആ രക്ഷിത ഉടായിപ്പാണെന്നാണ് എനിക്ക് തോന്നുന്നത്. സിദ്ധാർഥിനെ പ്രലോഭിപ്പിക്കാനാണ് അവളുടെ ശ്രമം അവനെ കൊണ്ടെന്തോ ഉദ്ദേശം അവൾക്കുണ്ട്. പക്ഷേ ഭാഗ്യം കൊണ്ട് അവൻ അവളുടെ വലയിൽ അകപ്പെടാതെ രക്ഷപ്പെടുന്നുവെന്ന് മാത്രം.”

“അല്ല ആദം… സിദ്ധാർഥിന്റെ പെരുമാറ്റം തീർത്തും വിചിത്രമല്ല… ഇതുപോലെയൊക്കെ തന്നെയായിരുന്നു അവന് അമൃതയോടുള്ള പെരുമാറ്റവും. അവൻ ആ കുട്ടിയോട് വളരെയധികം ആക്ടിവായി പെരുമാറുന്നത്, എന്ത് കൊണ്ടെന്നറിയില്ല…”