❤️✨️ശാലിനിസിദ്ധാർത്ഥം15✨️❤️ [𝓐𝓼𝓱𝔀𝓲𝓷𝓲 𝓚𝓾𝓶𝓪𝓪𝓻𝓪𝓷] 441

“ശെരിയാണ് സിദ്ധാർഥ്.. മിസ്സ്‌ നമ്മളെതന്നെ നോക്കുകയാണെന്നാണ്‌ എനിക്ക് തോന്നുന്നത്. നീ അൽപം സൗണ്ട് കൂട്ടിയിട്ടാണ് സംസാരിച്ചുകൊണ്ടിരുന്നത്.”

ശാലിനിയുടെ ശ്രദ്ധ പതിഞ്ഞയിടത്തേക്ക് സിദ്ധാർഥ് തല തിരിച്ചു നോക്കിയപ്പോൾ, റോസ് തന്റെ മുഖത്ത് സൂക്ഷിച്ചു നോക്കുകയാണ്. ‘സിവനേ… മിസ്സ്‌..!’ അവൻ ബെഞ്ചിൽ നേരെയിരുന്നിട്ട് റോസിനെ നോക്കി ഒരു ചിരി പാസാക്കി.

“എന്താണ് സംസാരം നിർത്തിയത്. സംസാരിക്കടോ… കൊതിതീരുവോളം സംസാരിച്ചുകൊണ്ടിരിക്ക്.”

അത് മിസ്സേ.. ഹി ഹി ” റോസ് പറഞ്ഞത് കേട്ട് ചമ്മിയ സിദ്ധാർഥ് അങ്ങോട്ടുമിങ്ങോട്ടും നോക്കിപ്പോൾ കണ്ടത് എല്ലാവരും തന്നെ തന്നെ നോക്കി നിൽക്കുന്നതാണ്.

“ഓഹോ കിണിക്കുവാണല്ലേ… നിങ്ങൾ പിള്ളേരുടെ ഒരു നേച്ചറാണിത്.. ഒരു പെൺകുട്ടിയും ആൺകുട്ടിയും തമ്മിൽ സംസാരിച്ചു തുടങ്ങിയാൽ പിന്നെ ചുറ്റും നടക്കുന്നതൊന്നും അറിയില്ല… കാരണം പ്രായം അതാ… ഞാനും നിങ്ങളുടെ പ്രായം കഴിഞ്ഞ് വന്നിട്ടുള്ളതാണ്.”

“മിസ്സേ, മിസ്സ്‌ പറഞ്ഞ് വരുന്നത്…???” അവന് റോസ് പറയുന്നത് എന്തെന്ന് മനസ്സിലായില്ല.

“ഞാൻ ഫ്രണ്ട്ഷിപ്പിനെ കുറിച്ചാണ് സിദ്ധാർഥ്, പറഞ്ഞു വരുന്നത്. എന്തായാലും നമ്മൾക്കതിനെ പറ്റി പിനിടൊരിക്കൽ സംസാരിക്കാം.. ദാ ബെല്ലടിക്കാറായി..”

റോസ് പറഞ്ഞു നിർത്തിയതും സൈറൺ ബെല്ലടിച്ചതും ഒരുമിച്ചായിരുന്നു.

“ഹ്മ്മ്… ശാലിനി, എന്റെ കൂടെ വരുന്നോ.. തന്റെ കൂട്ടുകാരികളെയും കൂടെ കൂട്ടിക്കോ.”

“എടാ നമ്മൾക്ക് ഇവരുടെ കൂടെ ഒരുമിച്ചു പോകാം. ”

സിദ്ധാർഥ് ശാലിനിയോടും, തന്റെ കൂട്ടുകാരോടുമായി ചോദിച്ചിട്ട് അവരുടെ അഭിപ്രായമറിയാനായി കാത്തിരുന്നു.

“മ്മ് ശെരി.. ക്ലാസ്സ്‌ വരെ നടക്കാനല്ലേ.. വരാം..” ശാലിനി സിദ്ധാർഥിനൊപ്പം വരുവാൻ തയ്യാറായി.

“എടാ നിനക്ക് ഇവളോടൊപ്പം സംസാരിച്ച് മതിയാവാഞ്ഞിട്ടാണോ ഇവളുടെ കൂടെ നടക്കുന്നത്…” അർജുൻ ഈർഷ്യയോടെ അവനോട് ചോദിച്ചു.