❤️✨️ശാലിനിസിദ്ധാർത്ഥം12✨️❤️ [??????? ????????] 379

അവൾക്ക് യാതൊന്നും പറയാനുണ്ടായിരുന്നില്ല.

” മോനേ എന്താടാ ഉണ്ടായത്… ഇത്രയും ദിവസം കൈകാലുകൾ ചലിപ്പിക്കാനാവാതെ, ഒന്ന് നേരെ സംസാരിക്കാൻ പോലുമാകാതെ വീൽ ചെയറിലായിരുന്ന നീ ഇപ്പോഴെങ്ങനെ പഴയത് പോലെയായി …”

ഭാമ, അവനെ കെട്ടിപിടിച്ചു, മുഖം കൈകളിലെടുത്തുകൊണ്ട് ചോദിച്ചു.

“ആവോ എനിക്കറിയില്ലേ… ഞാനൊന്നു ഉറങ്ങി എഴുന്നേറ്റപ്പോൾ ഇങ്ങനെയൊക്കെ സംഭവിച്ചു അത്രേയുള്ളൂ അമ്മേ…” സിദ്ധാർഥ് നിസംഗതയോടെ മറുപടി പറഞ്ഞു.

” ദേവി എന്റെ അച്ചുവിനെ കാത്തു… അമ്മേ, ഞാൻ പറഞ്ഞില്ലേ അവൻ പഴയത് പോലെ ജീവിതത്തിലേക്ക് തിരിച്ചു വരുമെന്ന്.. ഇന്നെന്തായാലും വൈകിട്ട് അമ്പലത്തിൽ പോയി ഇവന്റെ പേരിലൊരു പുഷ്‌പാഞ്‌ജലി നടത്തിയാലോ…???” സിതാര ചോദിച്ചു.

” നടത്താം മോളെ…” ഭാമയത് സമ്മതിച്ചു.

“എടാ നീയൊന്നു നടന്നേ നിനക്ക് നേരാംവണ്ണം നടക്കാൻ പറ്റുന്നുണ്ടോ…” റാം അവനോട് നിർദേശിച്ചു..

” ആഹാ… ഒരു പ്രശ്നവുമില്ലല്ലോ…! ആ സർജറിയുടെ സൈഡ് എഫക്റ്റായിട്ട്

നിനക്ക് ഇപ്പോഴേന്തെങ്കിലും തോന്നുന്നുണ്ടോ…” സിദ്ധാർഥ് ഒരു പ്രശ്നവുമില്ലാത്ത രീതിയിൽ നടക്കുന്നത് കണ്ട് റാം, ചോദിച്ചു.

“ഇല്ലച്ഛാ… വേദനയും തളർച്ചയും എല്ലാം മാറികിട്ടി…” അത് കേട്ട് റാം സതുഷ്ടനായി.”എന്നാലും സാരമില്ല. നീ വൈകിട്ട് ഹോസ്പിറ്റലിൽ പോകാൻ റെഡിയായിക്കോ… നിന്റെ അമ്മയും ചേച്ചിയും കൂടെ അമ്പലത്തിൽ പോകട്ടെ…”

എന്നാപിന്നെ നിങ്ങൾ പോയി ഒരുങ്ങിക്കോ നാലുമണി കഴിഞ്ഞില്ലേ.. നിനക്ക് ഒരുങ്ങാനും മറ്റുമൊന്നിനും ബുദ്ധിമുട്ടൊന്നുമില്ലല്ലോ അല്ലേ…???” ഭാമ, റാമിനോട് നിർദ്ദേശിച്ചിട്ട് സിദ്ധുവിനോടായി ചോദിച്ചു.

“എനിക്കൊരു പ്രശ്നവുമില്ലമ്മേ…”

“നിങ്ങൾ രണ്ടുപേരുമിങ്ങോട്ടൊന്നു വന്നേ അവൻ ഒരുങ്ങട്ടെ…” റാം ഭാമയെയും, സിതാരയെയും പുറത്തേക്ക് വിളിച്ചുകൊണ്ട് പോയി…

“എന്നാലും എന്റെ സംശയം അതല്ലച്ഛാ സിദ്ധാർഥിന്റെ ബോഡി എങ്ങനെ ഇത്രയും വേഗത്തിൽ സ്വയം ഹീൽ ചെയ്ത് റിക്കവറായി എന്നുള്ളതാ…”

“അതെന്തേലുമാവട്ടടി മോളെ.. എനിക്കത് മെഡിക്കൽ മിറാക്കിളായിട്ട് കരുതാന്നാനിഷ്ടം..”