❤️✨️ശാലിനിസിദ്ധാർത്ഥം12✨️❤️ [??????? ????????] 379

സിദ്ധാർഥ്, മാക്സിന്റെ യഥാർത്ഥ പേര് കേൾക്കാനായി കാതോർത്തു നിന്നു.

” I am… MANU ABDUL XAVIER…! Also Known As MAX…!”

“വൗ… മനു അബ്ദുൽ സേവ്യർ.. അഥവാ മാക്സ്…! നല്ല പേര് ആണല്ലോ…”

“ഹി ഹി… തേങ്ക്സ് സിദ്ധു… അപ്പോൾ തല്ക്കാലത്തേക്ക് വിട… My dear ബ്രദർ. ”

“അയ്യോ മനു ബ്രോ പോവാണോ…!” സിദ്ധാർഥിന്റെ മുഖത്ത് നിരാശ നിറഞ്ഞു.

“യാ മാൻ.. പോയിട്ട് വേറെയും തിരക്കുകളുണ്ട്. ഈ യൂണിവേഴ്സ് ബാലൻസ് ചെയ്ത് നിർത്തണ്ടേ. ഹി ഹി വിളിച്ച പേര് കൊള്ളാം.. ബ്രോ ! എനിക്കത് ഇഷ്ടപ്പെട്ടു. അങ്ങനെയെങ്കിൽ സിദ്ധാർഥ് എന്നെ ‘മനു ബ്രോ’യെന്ന് വിളിച്ചാലും മതി കേട്ടോ. പിന്നെ കഴിഞ്ഞ കാര്യങ്ങൾ ഓരോന്നുമോർത്ത് വിഷമിക്കണ്ടാ.. എല്ലാം പതിയെ ശെരിയാവാൻ പോകുകയാണ്… ഗുഡ് ബൈ.. ”

അതോടെ അവിടെയുണ്ടായിരുന്ന പ്രകാശരൂപം പതിയെ ആ ഇരുളിമയിലേക്ക് ലയിച്ചുചേരുകയും, ഇരുളിമ പതിയെ മാഞ്ഞു പോയി, വെയിൽ പരക്കുകയും ചെയ്തു.

“എന്നാലും ഈ മനു ബ്രോ ആള് പുലി തന്നെ… ഇവിടെ എന്താ സംഭവിച്ചതെന്നു ആരോടും പറയാതിരിക്കുന്നതാ നല്ലത്…” സിദ്ധാർഥ് ചിന്തിച്ചു.

എന്നിട്ടവൻ തന്റെ ശരീരത്തിന് എന്ത് മാറ്റമാണ് ഉണ്ടായതെന്നറിയാൻ അവൻ മുറിയിലെ കണ്ണാടിയുടെ അടുത്തേക്ക് നടന്നു.

***************************************

രാവിലെ നിഖില വന്ന് സംസാരിച്ചു പോയതിനു ശേഷം സിതാരയുടെ മനസ്സാകെ കലുഷിതമായിരുന്നു. അവളുടെ മനസ്സാകെ നിഖില പറഞ്ഞ കാര്യങ്ങൾ നിറഞ്ഞു നിൽക്കുകയാണ്.

അയാൾ ഗുണനായക്, തിരിച്ചു വന്നത് പഴയത് പോലെ കോളേജോരു കലാപഭൂമിയാക്കാനല്ലന്നും പകരം തുഗ്ലക്കിന്റെ ഭരണപരിഷ്കാരം പോലെ ഏതാനും ചട്ടങ്ങൾ, പുതുതായി കൊണ്ടുവന്ന് വിദ്യാർഥികളെയും അധ്യാപകരെയും മറ്റു കോളേജ് സ്റ്റാഫുകളെയും മാനസികമായും സാമ്പത്തികമായും ബുദ്ധിമുട്ടിക്കാനാണ് അയാളുടെ തന്ത്രം.